我頭髮超乾，由屈臣氏最平至最有名既摩洛哥髮油都試曬，都無一隻髮油夠潤。於是我自暴自棄，諗著不如將食油倒上頭算啦！
坊間有好幾種食用油，上網睇下邊隻可以倒頭，發現原來椰子油係得既。於是係hktvmall 求其買枝最細既試下，說明話倒一滴就夠，不過我頭髮太乾，倒左5滴。
然後我咁多年黎既亂髮終於貼服左！好感動
仲要好平，比屈臣氏最平既護髮油仲要平一半。size又好多選擇，由40ml到2.4L都有。功用也有好多，說明講可煮食護膚，不過我就無試啦。
推介俾乾頭髮既朋友。
9個讚
多謝你分享
我頭髮未去到你咁乾，不過髮尾成日都打晒交，都要用髮尾油，我用完呢樽又去試用椰子油先
1個讚
相反我係油頭，我要成日轉洗頭水試
1個讚
我髮尾都超乾又旱，成堆雜草咁，試過用椰子油當髮尾油用都無改善
即係是但一隻咩牌子都得？
咁到咗夜晚個頭係咪好笠呀？
有外國beauty guru教用好多椰子油當hair mask咁用，佢仲full 過夜
我試過兩次，用完洗左n次頭d 頭髮都勁油
你頭髮咁乾不如你試下
我見佢地用完頭髮勁soft and shiny
網上話最好冷壓椰子油，我就在hktvmall 選一枝寫明可以護髮，又最平既。
我就係需要笠，因為頭髮實在太乾，洗完頭同埋朝早起身都要再倒。如果無我咁乾，可以跟一般做法，倒完過水。
我跟網上KOL講，落一滴都係無用。不過我就落夠5滴，落到得為止
處理頭油同處理暗瘡差唔多，都係要保濕
有冇邊隻保濕推介
me2，用2、3滴搽髮尾已經變油頭
但用髮尾油就無事
最好先問返去開剪頭髮果度有無保濕焗油，處理咗先會好好多
然後每次剪頭髮之間的日子就可以響屋企都做到
2個讚