仔P.4，由細到大都好難搵朋友，因為佢中意嘅嘢都比較冷門，中意恐龍、動物、甲蟲，中意睇漫畫、機械人。
好想幫佢搵下朋友仔，想睇下有無家長有興趣交流下？
我唔係呢區,不過男仔鍾意呢D唔算冷門呀
我女都好迷恐龍 
1個讚
男仔喜好，唔太冷門。
不過呢啲喜好感覺偏向大人多。
如果唔怕同啲大哥哥 可以試下搵呢類既同好會
好似我鐘意二三四驅車想砌靚啲改造加燈，雖然呢家好少人玩但點都搵到群組。
香港有甲蟲會，金魚街有甲蟲鋪，有時間出去睇下～
金魚街上樓有間甲蟲/獨角仙店
上面D哥哥好好心機,又比我小朋友摸,又一路教大家D甲蟲係點繁殖,點養,去到真係好似上左一堂咁,仲唔會HARD SELL,我小朋友試完好想買,D哥哥叫佢可以考慮清楚,或者買本書番去再了解多D先
真係超級好,我覺得如果小朋友有興趣的話,真係可以同佢地上去睇下
你女好型，可能我本身都唔算交遊廣濶…真係未搵到大細（媽媽同細路）都啱傾嘅朋友
我係facebook search過搵唔到呀
Thx~
會試下，不過金魚街對我哋嚟講有啲遠（我天水圍）
我女因為睇完侏羅紀就中左毒咁
佢好迷,好似男仔咁,衫同鞋都要恐龍
佢仲買左一堆恐龍公仔同一堆書…自己又會係YOUTUBE睇恐龍片
黎緊7月九龍灣有個恐龍主題GE類似PLAYHOUSE咁,我女都話要去…
我仔都好中意侏羅紀！
你可以入netflix搵埋呢套俾佢睇：
好好睇㗎！
呢套我女已經睇左N次
應該冇咩野佢未睇
連好舊的侏羅紀公園都睇到就黎識背
我女都係恐龍迷同喜歡機械人，我覺得冇問題，每個小朋友都係獨特的
同意,我身邊有朋友問我點解比亞女鍾意恐龍
成日都買恐龍衫比佢,搞到佢男仔頭
我覺得小朋友鍾意一樣野係唔分男女
只係我地大人去界定左男仔玩車,女仔玩公仔咁
我幾欣賞亞女佢係好投入去鍾意恐龍,所有恐龍名,幾重等等佢都好快講得,當識多一樣野都好呀
我女好鍾意動物,話大個要做獸醫,仲自己上網搵邊度有得讀 但佢而家都係P4架咋
所以有目標,有鍾意GE野係好事
仲因為睇得多電影,佢學識好多咩DNA呀,物種咁
1個讚
其實我唔係覺得有問題只係想幫佢搵下啱咀型的朋友仔
我仔都好中意睇啲小小科幻嘅電影，Matrix, MIB, 侏羅紀，金剛之類
趁機買多D呢類形GE書比佢地睇
我女都係咁,睇好多紀錄片,學到好多野