我相信有計劃備孕嘅姊妹們,多數都係W4就會發現有左,咁我已經去家計會拎左懷孕證明,公立醫院排埋期啦,但等W8先照閃閃,真係好漫長呀,份工又得閒,成日亂諗野,又驚照唔到閃閃,係空心胎,因為上年已經經歷過一次小X,所以今次有陰影呀,暫時W5,無咩反應,最明顯係胸脹咋,請問大家點度過等待嘅日子呀?
你都好快手! 我係5WK先發現, 等到7WK先去拎懷孕證明同去公立醫院排期, 8WK照閃閃, 時間過得快D~ 不過我都有日日睇住schedule計下幾多WK果D~ 又會日日上forum睇下人地分享學下野~ 好期待嫁真係 
祝你順順利利生個肥肥白白既BB啦 
以前睇人大肚 眨下眼就生左出黎 到自己果時先知每日會過得咁漫長 尤其我依家WFH 又無咩野做 老公返工之後就每日對住4面牆 
因為試左半年啦,次次驗都唔中,不知幾傷心,喊濕好多個枕頭啦,今次中左係好開心架,不過一日未產檢,都會擔心,我成日上網睇空心胎有咩徵狀,但原來係無,要照閃閃時先會知。多謝你嘅祝福呀~~希望之後一切順利啦!
係呀,身邊嘅朋友大肚,貶下眼佢就生左啦。我完左WFH2個月LU,不過我寧願返工,因為我唔係對住4面牆,而係對住奶奶。你而家幾WK呀?
你可以去私家照先
我依家9w 希望順利過埋呢3w 咁就唔洗再咁擔心
因為5w多果時被醫生話胎囊唔靚 有一半機會會咩野
唔好咁大壓力啦～ bb feel到嫁！放鬆心情～ 叫老公多d引你笑同開心
bb 一定會痴實嫁
約左架啦,姑娘話8W照會好D,因為有D人6W照睇唔到閃閃,又要照多次,又擔心一輪
希望大家都順順利利啦~~
多謝你呀 
你好正能量呀 
我仲未同老公講,諗住照閃閃時先帶埋佢上去俾驚喜佢
2個讚
恭喜啊！我都啱啱check咗淺線，希望繼續加深去拎證明啦！但已經不停咁search 
我都好明白你感受
我上年5月都小產咗一次
10月中4W多d驗到有嘅時候都覺得每一日係度日如年
其實講真無乜嘢可以做，唯有煲下劇，轉移下視線
要相信BB一定會痴實你，執齊行李嚟搵你
恭喜你呀 
祝你每日加深,BB痴實
1個讚
知道,俾D信心BB 
多謝你鼓勵 
好好享受宜家嘅metime，煲劇又好點都好，生左真係無晒時間丫
或者可以整啲布公仔比bb，有意義又可以打發時間
1個讚
邊度可以買d布公仔原材料啊
我當時係淘寶
你哋早期有無腰酸感？上次小x時，腰酸感好勁，今日突然有輕微腰酸感，所以好擔心，上次都差唔多時間小x 由驗到有左起個肚就成日有種想嚟m嘅感覺 
我4W幾，都係成個星期不斷有嚟m感覺呀！腰痛就無。雖然曼仔同CB線都勁明顯，不過綠D未到深粗感覺真係好唔真實 
我等W7照