6歲弟弟好痴身，任何時候都要人陪。有不少大人給佢萌倒，但我一家都好怕佢。
我陪佢玩，但大概陪12個小時就是我極限，跟著我就會發脾氣，老公提議我反鎖自己係房好過。如果唔理佢，佢就會打哥哥/通屋跳/大喊，總之就係嘈，阻到wfh既老公。上堂學過，呢個時候唔可以屈服，一定要罰佢。罰完佢會停一陣，然後悶，就再黎過。
哥哥成日俾佢煩著要一齊玩，哥哥成日問我，幾時可以唔洗再見到細佬，佢可唔可以搬出去住… 我而家會儘量安排佢地既活動唔好上同一班，否則哥哥都會喊著落堂。我平時就教哥哥反鎖自己係房，減少和弟弟接觸。
過去一年我用左以下方法，情況有改善：
- 找興趣班，一星期5個。屋企附近無，就坐的士跨區。不過有d班都係要我陪著上，就無休息效果。
- 在youtube找教小朋友畫畫既片，叫佢每日跟著畫2幅。我進化到教埋佢地自己開youtube自己找畫畫，減少我既工作量。
- 學校無功課，我就設計功課俾佢，最好係唔洗我參與既練習簿功課。佢要我陪佢做，我就話，我唔係度佢會叻D
- 學彈琴，兼買左個琴係屋企，叫佢每日自己彈，訓練到佢自己攞書自己找曲目彈，我唔睇。
- 周末出街，雖然我其實唔鍾意
- 教識佢自己沖涼抹身
- 俾家務佢做
- 俾我指定卡通佢睇，叫做好過youtube
- 睇書，但未訓練到佢自己睇…
用曬呢D方法後，每日仍有兩三小時剩下。到呢度頂唔順，都係youtube/打機解決。下個目標係訓練到佢自己睇書啦。我會訓練下佢自己google唔識既生字。
6歲。佢由細到大係咁，我諗因為係細佬既身份，同埋工人姐姐好寵佢。佢返學既時候無野
可帶佢睇CP, 因為可能患上 Attachment Disorder.
養隻活躍啲既中小型犬，我女由工人走左佬後就係2隻狗陪佢大，佢哋會玩你追我逐，個畫面好搞笑的
佢仲會打理佢地，抹眼餵食散步好熟手，做功課都放係膝頭哥。
假期同佢哋去行山游水狗公園。
狗係小朋友最好既玩伴，不過養之前要諗清楚，要一生一世㗎
4個讚
養寵物的確係個好主意。不過因為一身一世呢個原因，我等屋企settle down曬再考慮
1個讚
佢好draw你哋attention喎，你不如試吓俾佢培養一種興趣。你話佢有跟YouTube 畫畫，就試吓俾佢畫多D。例如佢畫咗一隻狗，你試吓係咁贊佢，全隻狗任何一部份都贊，眼神好有勁、毛色配搭得好好、動作好生動。如果佢畫到大細眼，你可以贊佢六歲就發現動物左右兩邊唔一様，好有觀察力，你好有天分
⋯⋯總之係咁贊，贊到佢好似畢家索咁，然後叫佢響幅畫上簽返個名，可以嘅話，整個畫框貼響牆度，其實搵張黑色咭紙中間剪中空，後面貼幅畫上去就可以，最好叫佢一齊整，俾佢忙吓，又有成就感！以後多D鼓勵佢畫，叫佢響屋企開畫展！
另外，我覺得你最好俾佢培養睇書習慣，唔係公仔書，係睇字！佢已經六歲，其實好多五六歲小朋友可以坐定定睇有文字嘅書，當然唔係一下子俾本小說佢，不過佢習慣咗就會要睇愈多字嗰D。哩個唔止另你哋全家安寧，係絕對令佢終生受用。
你講得啱，最近佢鍾意左彈琴，我每日free多左半小時。
我都培養緊佢睇書習慣，每日有半小時睇書時間。哥哥雖然唔鍾意睇書，但都被迫可以堅持到。弟弟就係咁嘈要我陪佢一齊睇，又嫌字多，明明佢係有能力睇
希望堅持多一排會好D
係咪佢覺得你得閒，所以扭你陪
好恐怖呀…
「我哋…試吓玩一個鍾唔同對方講嘢！」
1個讚
我都會建議你見吓專業人士,反正你星期一至五都要安排活動,其中一日去吓見play therapy,睇吓啲專家有咩觀察到,先可以對症下藥
私家又得,NGO又得,睇你budget
好慘喎，連哥哥都唔想理細佬
佢係咪有咩陰影？（曾經走失左，迷路之類？）
佢會唔會係好冇安全感？
有冇試下陪佢一陣，藉詞走開(去廁所/去廚房攞啲野)睇下佢可以自己alone幾耐？
之前有朋友個小朋友都勁痴身，不過就細啲，成日媽到頭暈，之後入咗學再同返老師傾，老師話佢自細都係被媽媽安排玩乜、做乜，習慣咗所有嘢都係被安排，所以會咁。
後尾媽媽留意返自己依個傾向，小朋友就開始改善。
哥哥幾大？
我仔8歲，平日電視玩具Lego可以搞掂佢，唯一成日話要同我地訓（因為個陣屋企細又唔想佢同姐姐訓，同床到五歲，超後悔），依家晚晚訓覺前都搞一大輪，又要陪坐又要開燈又開門…我都覺得佢係咪有病…
有呀，有一日係見佢地。初頭好有用，上上下就差唔多了
如果有其他大人陪佢，例如老師，咁係ok架。
佢又無試過迷路喎… 我以為凡係細佬都係咁添
咁佢有冇話俾你知咩原因?因為正常佢都要分析問題原因然係俾建議你,唔係見完就算
除非佢冇料到…
多謝提醒，我的確係安排曬。因為俾佢自己安排，佢就會打機，唔俾打機就會打架 不過既然係咁，我都留返少少時間俾佢自己安排
佢話我地當佢BB太寵佢，但我同佢講無呀，佢都唔信我。後來諗返，應該係工人姐姐太錫佢，咩都幫佢做曬。所以而家我會阻止工人姐姐，要細佬自己沖涼抹屎，工人唔準出手。
