我之前問左過！ 只返4日都要收＄10000 ，8－6
仲要紅日唔返都要照計糧
佢話月薪就要count，但其實我每個星期出糧比佢！
我唔知咁叫唔叫合理，
係咪個個上門保姆都咁貴架？
負擔好大
佢仲話到好似收到我好平咁………
比你參考下
朋友請過 係計$80/h
星期一至五 朝9晚5
$8085*4 = $12800
1個讚
應該唔算貴，雖然返得4日，但佢朝8晚6喎，其實同朝9晚5返五日一樣做咁多個鐘。
不過都視乎佢經驗。疫情之後我都想搵保母，你依個價比我預計平。
可以參考依個：
請保姆係好貴的，所以咁多人寧願請工人(如果屋企有位)。
我寧願請保母，就係因為唔想同工人同住。
我有少少潔癖。淨係諗佢沖涼d污糟衫污糟底褲會唔知擺喺廁所邊個位、底褲手洗定掉埋入我洗衣機洗我已經覺得俾多d都值得。
請工人可以做埋家務，學校突然停課又有back up, 比較適合無長老支援嘅雙職家庭。
十年前請過 七十蚊一個鐘
當年係逢一至五 下午返四小時
請左一年, 之後辭職自己湊番
好既就係無個外人係屋企
但係。。貴
我都係會揀保母/鐘點
各取所需
其實我屋企無地方比工人住，當然都唔想有外人係屋企
所以先決定請保姆！但真係比想像中更貴！
但我無長輩幫手，又一定要返工……
同埋佢講到明紅日都要計薪係咪真係standard？
因為好似好唔合理咁，我又無同佢簽約，仲要出cash！
我媽30年前做過，當年都收 5000 元
連續合約僱用滿3個月都要俾法定假日既薪金，但我唔肯定你個case 適唔適用。
不過撇除法例有冇規定你俾都好，佢個價算合理範圍。
以今個月為例，都算多紅假，除左星期日之外有4日紅假。又當佢咁好彩4日紅假都係本身要返但因為紅假唔洗返，佢都要返14日。10000/14日/10小時都只係70蚊個鐘。
仲有復活節唔係法定假期，如果佢指既紅日係法定假期就仲要返多3日。
之前有用過姨姨湊BB, 我嗰個係超友情價，我俾月薪，紅日同星期六，日都唔洗佢返。
不過佢淨係湊B，屋企嘢全部自己做返，放左工重要煮飯清潔同湊B係幾攰下嘅
請過，時薪一百蚊一個鐘，星期一至五，8-9個鐘，真係好貴。但佢湊得我女好好，我女又好中意跟佢 