最近想買樓自住，budget 所限，只可以買到大概700 m 樓。十五十六唔知買邊到好，聽吓多d 意見。
budget 所限，最多買700 m 鬆d 嘅樓。同先生諗緊海欣或珀麗灣，講少少背景
兩邊我都睇過樓，兩難在於：
㨂海欣嘅原因係近長老屋企，但700m 淨係買到400 幾呎，但上到去覺得好似好細咁，得兩房。生多個驚唔夠住。
珀麗灣多少少價錢已經可以買到三房，四四正正，開揚好靚，去到睇都好鍾意，用料/ 間格，向海，好有lifestyle 嘅感覺。主要擔心交通問題…同遠長老多咗一程車。
你地點睇
我都係青衣人(但唔係你個屋苑, 我個屋苑仲平D)我揀青衣, 長老幫手湊你近佢地好緊要, 你仲生多個的話地利係好大因素。返中環我搭948係無得輸, 我5:30放工, 6點已返到屋企, 如果PARK ISLAND我諗未必得
小朋友細就話無所謂, 大D夜晚放工睇功課溫習…係分秒必爭, 多一程車可能係半個鐘以上咖啦
小學青衣66, 馬灣62, 中學青衣係葵青, 馬灣係荃灣, 如果諗長住要諗埋小朋友讀書
小女由幼稚園開始都返九龍嘅學校, 好彩一路都有校車, 馬灣就真係唔知有無啦, 無校車都幾踢腳
如果小朋友長老湊，我會揀返住青衣，大家都方便，到真係唔夠住時先換大d或做雙租族
小朋友係咪等抽入津校，定係會考直私？要留意返網內學校同埋升中網。
我諗好大機會都喺青衣大抽獎
世德, 主恩雙頭馬車
AIM HIGHER可以去65網仁立仁紀叩門, 小女曾有OFFER知道呢兩間都有校車去青衣的
選返青衣，始終你有小朋友，爸媽都要返工，咁就方便照顧者會好啲，近啲返學，長幼都無咁辛苦，特別你plan咁要多個，到時人手方便更有限。
我會揀青衣，有巴士出尖沙咀同港島，方便過馬灣好多，而且長老湊小朋友又方便。馬灣環境舒服，但每日出入搭車用多好多時間。有朋友住馬灣頂唔順交通，最後搬返出巿區。
除咗海欣可以睇埋隔離翠怡，樓齡雖然大少少，勝在單位夠實用，3 房約 7.2-7.5M。樓下有巴士站小巴，交通方便。
如果係我會忍唔住揀呢度
租過珀麗灣，結婚之後住過五六年，小朋友k1時搬走。
有小朋友讀書，大人仲要返工，交通唔方便到真係好可怕，搬走之後冇後悔過，好彩搬咗，依家交通好似越來越差，新鴻基壟斷左交通好多年。
多謝咁多位意見…
有無諗過兩度都唔適合你，要大又無錢可能要揀大西北先得
一定唔揀珀麗, 唔忍心要長老走來走去
可以睇埋藍澄灣， 始終青衣方便過珀麗灣太多
我一手買過珀麗灣，係最早期，間屋一打開門就係大大座青馬大橋景，真係好靚，以為會住過世，但住到大女K2，結果頂唔順賣咗。我唔知而家屋苑服務點樣，當年我試過叫屋苑車我去聖德肋撒醫院生細仔，因為冇預約安排唔到車（我要順產吖嘛），好彩仲頂得住，結果行落去搭珀客出葵芳搭的士。同埋打風趕住返屋企時車站等車嗰個情景
…或者而家好過我嗰陣時，不過而家交通費聽講貴咗好多，我覺得唔值，你最好考慮清楚啦！
藍澄聽講過話近貨櫃碼頭，有毒氣體排出所以唔考慮。
大西北
我exactly 係你個case, 娘家青衣, 嫁左之後住珀麗灣, 住左9年, 但最後不敵小朋友讀書宿命, 搬左出去港島… 現在係好方便, 但真係好唔捨得珀麗灣, 以咁嘅價錢, 嗰到嘅環境, 空間真係出邊俾唔到.
我小朋友至少有2位同級同學係住珀麗灣, 不過佢地都唔係香港人, 我可以講珀麗灣唔係一個好適合typical 香港人住嘅地方, 相信你問10個有9個都叫你唔好揀, 所以要睇你對方便, 快, 交通有幾重視, 定你嚮往環境, 空間, 慢活嘅生活.
其實無想像中咁差，元朗搭鐵 15 分鐘都到美孚
樓上大家都講得岩
珀麗灣交通係好輸蝕
補充:
今年業主立案法團曾經開大會叫業主投票
會唔會引入另一村巴營運商開來往九龍既村巴
(現時村巴只來往青衣/ 葵芳/ 荃灣/ 機場)
結果竟然被否決
好多人以為有船出中環好方便
但就算上班時間都係20分鐘一班
收工時間要30分鐘一班
http://www.pitcl.com.hk/attachment/ferry/pdf/158865554210jO.pdf