梗係政府
有冇無痛係視乎當時嗰間醫院麻醉科醫生得唔得閒，有就有，冇就只有聞氣同打針
我兩個小朋友相隔超過十年都係政府生，今時今日比起我年前應該更少單非雙非嗰味嘢，所以病房一定唔會差得去邊
生仔只係一時，兩三日出院，一千蚊埋單，真係要用錢留返請陪月好過
結果都係無結論. 我私家有話早期出血唔一定係壞事, 而且最主要係bb 一路心跳都好強壯, 所以佢唔擔心. 所以我喺QM都係問多句心跳有個概念啫, 點知都比人話…
朋友去浸會生，唔知咩事生左之後媽媽有d問題，但又冇轉返去政府（即係唔係好嚴重？）埋單50幾萬。
呢D咁大條數,私家應該會問左個老公先架? 
我兩胎都東區生
好好彩產檢時入咗助產士小組
兩胎由入院生到生完，助產士小組有幫我做過產檢嘅姑娘都有嚟探我。我喺產房未生得，佢哋都有嚟探我同我打氣。
第一胎胎位爭少少，好彩有個資深嘅助產士摸到，最後呀 B 生性唔使我食全餐順產。
第二胎呀 B 出嚟時先知臍帶纏頸，出到嚟唔識喊，助產士有安慰我，幸好最後無事。我生第二胎嗰時應該好危險，聽番老公講我開夠度數生嗰時，喺急症再call 咗幾個醫生上嚟睇住我生。前後6個醫生望住我生。
兩胎生完都有母乳姑娘跟進餵奶情況。
公立生真係睇彩數同睇邊間醫院
50幾萬好誇張呀
俾得起，我哋有時會笑你個仔好貴
[quote=“Pigwife, post:88, topic:46669”]
50幾萬好誇張呀
[/quote]
人哋散子黎啫
1個讚
講得再正確沒有，普通case無人理被忽視。
D姑娘係咁，見你林就蝦你。
1個讚
我生時在非辦公時間，麻醉科女醫生主動問要不要打，正常係打完背脊支針落藥後10分鐘會減痛，但係我一直都無減過痛，仲要俾助產仕不斷無尾音咁話「你打咗無痛仲話痛」。
之後我要開刀生，另一個麻醉科男醫生在無痛個針口落藥，我由產房去到手術枱上面俾人拮個肚都係無麻醉過一樣，男醫生仲要話已經落到最重藥，然後即刻要全麻。
後尾產後檢查我問私家醫生，佢話好大情況係位置打得差。所以好彩有得打都仲要再睇彩數，遇到手勢無咁好的醫生，脊椎真係白捱一針。
我舊同事好多年前打過一次無痛生B,佢又係打得唔好,佢話之後背脊個位落雨就會痛,佢話之後先知原來無痛支針好粗
我在私家醫院生都有打無痛分勉
打左同無打一樣 我仲一味叫痛 佢地話藥力未到 已經好左 etc etc
喂, 大佬! 真係一樣喎 最後佢地話打到最大劑量 我唯有聞笑氣
我有個朋友之前山頂醫院生
去探過佢、真係正過公立好多 (淨係個景都正爆)
負擔得起又無乜事去私家生真係舒服好多
1個讚
係㗎，啲護士都會望下你個胸，我都唔怕話佢知擺到明就未上奶，佢哋又唔係會教你按摩或者上奶方法，只係每次你問佢拎奶佢都會問你有冇試餵人奶啊？試咗幾多分鐘呀？點試架？仲未餵到呀？
咁佢哋都係為咗交差，我咪講啲佢哋想聽嘅答案囉～
最後都係番到屋企陪月幫我上奶先有人奶，喺醫院根本都冇時間瞓覺，休息都唔夠點可能會有奶～
總之你唔怕啲護士就得㗎啦，個BB係我嘅我鍾意餵佢食乜就食乜！
經歷過上一次，如果下次又喺公立生，我會一開始就講明餵奶粉，等啲姑娘唔好煩我，返屋企先慢慢餵人奶。
2個讚
Good!!