係現公司做咗幾年
呢幾年部門都發生咗幾次人事變動
入職時人事幾好，工作內容都係自己舒服嘅
但兩三年前起，因人事變動，自己嘅工作也有所變動，開始要做一d唔係咁鍾意做嘅嘢，亦同時又有一d唔太可以相處嘅人出現
經過呢三年，依家越來越唔想返工，每朝要返工就好唔想
近期亦因為公司裡嘅變化，感受到不公，感覺身心疲累
好想轉工，但奈何冇啱嘅職位，自知人工唔低，亦會難搵同類工作
某程度上係屋企亦係經濟支柱，如果裸辭是需要極大勇氣
每日積聚嘅少少負面已經變成大負面
真係覺得心好累
點先可以走出呢個死局。。。
試下搵新工, 有OFFER先再諗
手上資產又做下財務配置, 做到固定被動收入組合咪返工無咁大壓力
可唔可以hea 做？有時覺得點解d 老屎忽可以咁開心，都係因為心態問題。愈有責任感個人先會心好累。
有D明白你…雖然我未去到你呢個情況, 不過都feel到係慢慢步入緊…
你話你人工唔低, 難搵到同類工作, 我估你係中層? 有時有D位, 真係唔係話hea就可以hea, 特別係呢d夾心階層, 下面未必夠醒目可以take up到好多野, 但上面又push埋黎, 仲要面對同周旋係唔同team既人事各樣…
唯有邊做邊搵…就算唔exactly同工種都可以搵d soft skills同經驗可以transfer到既…加油…
樓主搵工啦，搵到可以考慮離開，搵唔到就認命留底lor。
點都搵工先，你唔搵唔會知得唔得
冇一份工值得你去搏個健康
有搵工啊，但暫時真係未有嘢啱自己
因為對投資冇concept，再加上性格比較保守，唔係好敢投資，變咗難有被動收入
自問真係比較有責任心，所以見到新人hea 做真係好唔開心
加上自己又難改變心態hea做，始終過唔到自己個關（其實已經比之前hea）
其實真係卒仔一名，只係以卒仔嚟講人工高d，如果想搵返d卒仔工就難
的確依家嘅工作係夾心，上面想push嘢，但隔離嗰位又唔so你hea做，自己又唔想hea甚至唔可以hea，因為老細對自己有expectation
自己呢行嘅出路都幾窄，除非從新嚟過，但亦代表pay cut，因為technical skillset難transfer，soft skill都仲可以，但轉field始終要有technical skill
有搵，但暫時冇一d係啱自己嘅
有搵，但暫時未有啱嘅工
我就係覺得我係咪應該忍，我唔想鬱到有病
自己有朋友就係因為工作搞出焦慮症
減人工都要做，點可以risk自己健康ga, 拎自己健康來換錢係咪值先。
我都係比較有責任感既
好忟其他人做得唔好
而且份工壓力好大
唉 我而家搞到有情緒問題 已經辭左職 諗住抖下
唯有相信 明天會更好
呢點近期係我腦不停徘徊，我都真係認真咁去諗值唔值
但我又會諗，係咪我EQ同AQ太低所以先會咁諗唔開
自認EQ係比人低，好易因少少事燥底
知音人
我明白個種對自己有要求，而睇唔過眼其他人hea做嘅感覺
有同d frd d嘅同事訴苦，但佢哋唔明白
你依家辭咗職都係一個釋放，自問暫時未有勇氣
為你加油，明天會更好！
呢個我都經歷過，但發現人夾人既因素都佔好重。到最後，我reference 返自己過去既經驗：1. 有過同同事好夾工作成功既往績，2. 呢班上司唔係請我入黎，我d同事又無得揀，at the end 夾唔到而我又try過真係唔岩channel 可以點。去到個moment 好影響我情緒同健康，我就quit job休息。
勉強無幸福，合則來不合則去。排一排你既人生priority 有無野重要得過你份工，就會識揀了。
最緊要你自己釋懷。
你講得啱，其實都係自己諗唔諗得通
可能我都有d唔甘心，我咁努力先得到依家嘅成果，所以唔捨得放棄
唯有嘗試努力搵工走出呢個困局
如果你真係有呢個實力，去到第二度都可以東山再起。
不過走前多多少少都歸納經驗，只要你attitude ok去邊都無問題。
我都好攰，今日又比老闆鬧。。。
呢d都明白，只係當時人通常都當局者迷
多謝你嘅開解