我個人認為樓主老公都唔太滿足，如果樓主無工作能力、有情緒病、自問精緻小女人唔愁第二春
個男人要養家、做家務、俾人埋怨仲要個老婆係覺得隨時飛起自己都得，um, 佢有咩本錢離開舒適圈、搵多 d 錢、放鬆自己有生活情趣？我睇唔到呢個可能性。
**唔好意思, **
我以前好似你咁諗, 唔嫖唔賭就收貨
但現在小朋友大左, 開始想自己對人生的期望
開始覺得將STANDARD SET 到咁低, 人生真的無意義
4個讚
幸福定義
1個讚
你個種唔係幸福囉。係唔會擔心捱餓，有間屋住。 有個同住人咁
一段冇互動既婚姻，如果連美好的sex都冇.咁其實真係同屋供住。冇火花
識得有人就算出軌都選擇原諒，我自問就做唔到
要維繫一段婚姻係終生學習既課題
為左小朋友，好多人選擇啞忍，到小朋友大左咪一樣係離婚
要改善關係一定要靠雙方既努力，最近有社工同我講10年以黎未解決既問題，其實仲有時間可以解決，我都反問自己仲有幾大既能耐
上一代“你忍下我/我忍下你”既相處模式，我睇住屋企4大長老，試過俾人問起點睇佢地既婚姻，為左結婚而結婚既關係，我又真係唔太知點解佢地可以做到咁又一世
如果人生要咁樣，我會選擇更開心
1個讚
補充一句
雖然唔明白上一代既婚姻，但佢地既堅持，唔會隨便離婚，其實都係值得我地反思既
1個讚
本身我就已經係要求比較高嘅人，老公都一路ok，到今年小朋友K3，暑假後升小一，我發覺自己突然（自然地）慢慢地將focus擺多咗落自己度，跟住對老公嘅要求亦高咗
你呢番話我真係好認同，因為我發覺呢樣嘢真係好自然地會發生
1個讚
我同你相反，本身個人冇咩要求，但係大病一場後，先發現自己過去10幾年，掛住湊小朋友， 1分鐘都冇照顧自己。對老公過去嘅付出亦都感到失望，做人好似當頭棒喝咁。
如果冇呢個大病，我可能都可以渾渾噩噩咁樣過埋下半世，現在反而對身邊人有要求，就開始覺得好不滿，想離開佢
1個讚
首先祝你身體健康！
其實大部分人對人生都無乜做特別思考，日復日，月復月，咁就一世。因為呢個病，你開始對現在嘅生活有回望，亦有不滿，我覺得係一件好事。因為有不滿，有要求，以後嘅日子先會變得更加（當然會配合行動力）
1個讚
好感動你回覆我但係現實唔容易改變，如果我仲可以渾渾噩噩咁，就唔會覺得痛苦，現實改變唔到，我又不滿，就10分痛苦
我覺得人與人之間嘅關係，其實好似一塊鏡。
每個女人都希望被人呵護同照顧，有d男人天生比較識做呢樣嘢（個女人有眼光），有d男人係比較木獨d，呢樣嘢亦可以靠個女人去引導。
當你對另一半有不滿時，亦係一個反省自己嘅機會：
1 你無要求，所以對方先係咁？
2 如果你想對方變得更加好，首先你要問下自己，你自己值得對方為你改變嗎？
3 你值得擁更加好嗎？
1個讚
我一路都覺得，無知最幸福
3個讚
我都有類近處境，所以明白你口中所講既痛苦
我係由自己開始，先照顧自己既感受＆需要
唔需要抗拒，對身邊既人有要求，係你重視呢段關係
1個讚
頹既時候，我曾經都有咁諗過
積極啲諗，每一次對自己既發現，我都會變成另一個更好既我，所以我好珍惜呢啲機會
1個讚