睇哂以上⋯⋯⋯⋯
可能我真係唔夠堅定，成日以為佢會改變，原來係唔會，反而我自己一而再而三咁企喺佢立場思考，好鬼傻。
1個讚
呢啲男人心理有問題
佢黑一日，我黑夠佢十日
1個讚
係咪都係有小朋友之後先會有呢D分歧??
我同先生都有呢個問題, 我地2個都要返工, 係我爸媽同姐姐(姐姐係我爸媽請開, 湊大我既) 幫手睇小朋友
佢成日對小朋友既湊法多多意見, 但佢又唔會落手去做
試過兜口兜面同我爸媽開火, 不過我爸媽好識睇人眉頭眼額, 唔想我難做吞左佢
之後返到去我老公就繼續呻話我爸媽湊法唔啱
其實我聽到好唔舒服, 我爸媽都係因為錫個孫, 想我無咁辛苦, 先幫手湊
如果佢唔滿意, 唔鍾意, 我叫佢自己去搵人/請第二個姐姐幫手湊, 但我 WARN 左佢前題係佢係咪寧願信外人都唔信我爸媽
每次有分歧, 我都會諗我爸媽出發點係乜, 但佢就覺得我係乜都幫住兩老
覺得我同佢無野好傾, 同你一樣久而久之都好無癮
除非你撐佢 (但我真係唔係次次撐得落, 因為佢都係得把口, 都無試過) 如果唔係又係嗌交收場
1個讚
我覺得每個媽媽都要好似你咁硬起來。
但問題係，你有份工有收入講野有say，至少你老公比你調教到識尊重你，但呢度有d媽媽唔係，一來唔識硬，一開波已男尊女卑慣晒，又或者ftm無收入硬不起來被食住，到呢家忍無可忍了，谷到有情緒問題了，先至一野爆發撥亂反正似乎又唔會有理想結果。
唉，一家唔知一家事，但做女人even 係ftm都好有價值，千其唔好矮化自己，因為如果連自己都唔幫自己出聲就無人可憐你ga la。。。
回上面一位jm話老公管著衫既，heehee佢越講我就著得越靚lor, 佢都傻既咁講野，我又唔係傻唔會同佢顛。至於煮飯個度，我就算唔識煮都會煮足一星期以其人之道還治其身，佢太唔識尊重人啦，呢d人要好好教訓下，否則只會壯大佢聲勢，即變相有份鼓勵佢呢d惡行為，所以要take action ga.
5個讚
係呀，我都知道情況唔同，每個人嘅容忍度又係好唔同。好似我呢啲火爆型，都冇乜邊個男人頂到，所以我不嬲覺得自己唔會結婚。
不過我就叫做比個例子大家參考下
如果硬碰唔得，軟功又如何？有冇姊妹分享下？
其實有小朋友後已有分歧，越大分歧越嚴重。
6299住得好近，佢哋幫忙照顧小朋友。老公亦會落手落腳揍，唔係指指點點但乜都唔做嘅人，所以有乜嘢唔滿意都忍咗算數。
忍讓從來都唔係解決問題方法，當我攤晒問題出黎，佢就迴避，每次都嗌交收場，但問題依然存在。
我向爸爸吐過一次苦水，佢出頭話我老公，之後每隔一兩日就打黎問我情況，我好感激佢，但又覺得搞到佢咁擔心自己好無用，所以之後無再同爸爸講過家庭問題。
2個讚
唔係喎，我自己都好火，無論男朋友定老公都好怕我，但係我身邊啲女同事一樣咁火爆都個個有男朋友
乜唔係香港啲男仔咁軟弱先啱晒啲咁強勢嘅女仔咩
1個讚
唔好俾佢帶你遊花園，佢偏離問題時，就要帶佢返嚟。
當你感覺到佢想發脾氣，就先發制人，話我只係想大家一致教好仔仔。
唔好硬碰硬，中路唔易入，從旁攻擊佢。
仲有，你無好好保護父母對你嘅愛。
俾佢知，队
除咗你之外，佢係唔可以鬧你父母。
先搵份工作，part time 都好，將個仔交返畀你老公照顧，叫佢諗掂佢，你講清楚你需要改善生活所以要出外工作。你無錢旁身，父母無support, 唔駛諗。
老人家凑孫唔係老馮喎，我自己就恨都恨唔到…凑嘅方法同後生一輩唔同就一定㗎啦，除非咁奇蹟個長輩好有興趣研究點育兒教養啫
有咩睇唔順眼應該同你講，等你同父母溝通嘛…宜家咁時勢請到個姐姐唔差嘅都會好聲好氣對人啦，何況長輩
原來咁多同路人,個老公係外人面前咪"好"囉,其實對住老婆仔女衰衰格格 
我都忍夠爆左佢一獲,我而家間中就西我老公面同單打佢唔湊女,我預左最壞情況離婚,點都好過我屈到病…
4個讚
我老公都係咁款，屋企野壞可以唔搵人整，諗埋啲騎呢方法用。地下有水唔抹，唔只一次跣親個小朋友。唔係無溝通過，佢次次就話我態度差，講埋啲嘢令佢難受，依家有不滿就爆佢一鑊，諗住到小朋友18歲就同佢離婚
2個讚
原來好多人都有咁嘅情況，我老公都係
之前永遠都唔湊仔，成日都話返工攰，大佬啊我夠要返工啦，我放工咪又係要湊仔。
無幾耐之前忍唔住，爆佢
我講到明佢再唔改就離婚，佢都知我係認真，跟住而家叫做好啲會幫吓手，會同吓小朋友玩
有嘢真係唔好忍，點解要為咗一個對自己唔好嘅人令到自己唔開心。
人同人都係合得來不合則去
9個讚
其實我都係因為咁唔會同爸媽講我同先生之間既問題
要兩老擔心我都會好內疚
係呀!!! 所以我覺得一係就自己湊返, 如果唔係唔好咁大怨氣
佢而家就係好多野都睇唔順眼, 但我覺得佢睇唔順眼既野根本唔係野, 我真係同意唔落
我朋友買左本 MY FIRST BOOK 比小朋友, 爸媽正常拎比小朋友玩, 佢勁掃興咁話本書有 SMALL PARTS, 要3歲先玩得 (我小朋友就來2歲), 叫我屋企人收埋先
我自己覺得幾多歲呢D係參考, 如果陪小朋友一齊玩, 呢D會係幾好既教材
我照直同佢講, 佢黑面黑足一晚, 堅持話人地講要3歲係有根據
所以就算佢係有同我講, 叫我同返父母講
其實我講唔出口, 我好多時都 BUY 我父母個套
我想一家人和和氣氣, 之前都會試下去解釋點解我爸媽會咁做
但每次講完, 佢都係話我幫兩老, 我已經放棄要去說服佢
呢個情況我都唔知仲可以點解決
to be honest, 我都有對玩具上面3歲既instruction有follow 過然後有懷疑過，到最後連學校未夠3歲都送3歲以上既玩具黎，我就算了，最多睇實小朋友玩。
我個時都覺得佢寫得3歲一定背後有安全理由要留意，但後來又覺得，如果要跟足咁3歲以下就無野玩，但又唔可以唔玩玩具（即是理想vs現實），到最後發覺都可能係玩具商想避開刑責先咁寫，如果咩都跟足instructions 小朋友就無玩具玩ga la.
睇得出你老公幾忟塞
，育兒咁樣一成不變，人地講既說話唔聽，自己岩晒，點同人合作到？佢返工係咪one man bank 自己做晒唔使同人夾野ga
我仍然覺得你出發點係岩and正常ga, 支持你企硬，西返面比你老公睇，由佢黑面。呢家你湊唔係佢湊，邊個湊邊個話事。
1個讚
你老公真係煩到爆,出口唔出手 
講就天下無敵，做就
1個讚
兩老離婚後，我媽搬走左，我同爸住
我媽繼續佢多姿多彩無拘束的自由生活，成日神龍見首不見尾
我爸就進步左，無咁悶蛋，但依然過住返工放工的刻板生活，間中幫手湊下孫咁
佢地兩個又無話互相憎恨對方嘅，我爸仲好關心我媽，但我媽到依家仍然會同我講爸當年點點點對佢，但我覺得你地都分開左啦，仲記住以前啲野做乜
兩老的離婚對我的感情觀無咩影響，因為我真心覺得佢兩個性格太南轅北轍了，根本唔適合喺埋一齊生活（我媽等到我讀U先離婚，所以生活上無大的影響）。反而結婚後，諗起媽對爸抱怨的種種不是，我好努力地經營我的婚姻，同老公同步成長，即使做了ftm盡量唔會同社會脫節
6個讚
咁都得？