有冇媽媽試過同樣情況？今日開始流血，好似平時黎M咁，三角位就戚住戚住痛，係咪好大機會流產了？
你仲問？快D去急症室啦
快啲睇醫生
有冇人陪你？
但其實你係肯定有咗？
1個讚
4週即係其實受咗精兩周㗎咋喎
受精嗰下已計兩周
咁呢個時間亦係同M重疊
唔知係咪M嚟呢?
1個讚
唔一定，係咪流少少咋？我覺得視乎痛唔痛，如果好痛就有問題，如果擔心去睇急症，呢個情況等半個鐘就睇得
昨天睇咗家庭醫生，開咗安胎藥食，因為我睇好多話親算睇急症都冇用，都係叫返去瞓床，星期二約左婦科，就想睇吓有冇媽媽有同類經驗可以分享一下
我試過6週左右就好似嚟M咁，好後悔去咗急症，去到搞咗一輪仲要住院，之後就話照唔到嘢，應該就係無咗就出咗院。咁之後再睇返d資訊話係化學懷孕，你當係可能著一著床，驗得到，但係其實無痴穩，好多人未發現就當咗嚟m。當然都有少數係流完好多血都仲痴得實。有無都好，頭3個月好睇肧胎自然發展，我哋控制唔到。等星期二照完先再諗
1個讚
其實我都係諗化學懷孕，或者作小產，今朝唔忿氣又拎支棒棒出嚟驗，都仲見到條淺線，而家唯有等星期二先可能有答案
就算化學咗條線會係度成個月咁上下架，d荷爾蒙未退。不過咩情況都好，休息對你嚟講點都係百利而無一害。做下鍾意嘅嘢分散下自己
驗尿要受精10日之後先驗到，你知道自己已經懷孕？
定係其實你普通嚟M咋⋯⋯
已經有醫生証明懷孕
1個讚
看醫生檢查下。不過我都試過初期大出血入院，不過最後冇事，我囡都6歲了。所以不用太擔心。
睇中醫攞d安胎藥調理下
樓主點呀？
唔一定 我之前5-6周時搭過長途機 一落機果晚都有血絲 可能太勞累 搞到我唔敢同圍去 訓足全日 之後就無咁情況出現 不過有咩緊係睇醫生買個安心