其實都有好多遠因。。。
我都好了解佢，佢個人係悶啲，而且返工同讀書的確佔左佢好多時間。佢係副校長，佢讀書係做research，所以返工同讀書都好用腦，所謂假期都係做緊呢兩樣野。我有提出過放假去旅行，但佢話唔去，如果我plan左到頭來佢冇攞假盞搞。如果我迫佢去，佢去旅行時都係做住返工讀書既野，亦都唔係我原意。
亦因為我知佢職位好重要，所以我呢啲諗法平時都冇講，怕阻住佢工作，但耐左就覺得唔係好得，咁樣係完全無視左老婆既情感需要。
我地上次行埋，就係有因為佢想要bb，成件事好理性咁進行，唔係為左關心對方。
我地冇請工人，靠一個長老係我地返工時湊bb，返到屋企又繼續要做家務，其實都好攰好煩。
好多謝你地，起碼我知道有啲想法唔係我唔成熟，不過睇黎暫時都唔會有解決方法
本身拍拖時係好愛先一齊 定想組織家庭先一齊？（我個人覺得有兩種）
兩樣都係
你都好體諒佢
唔開心都正常，
遠嘅去唔到啫，出去幾個鐘嘅節目都得卦
先試吓安排出去食個燭光晚餐浪漫吓丫
我坐完月但仲放緊產假果陣，星期日佢都話要出去，留低我一個湊b，終於有一次我爆左，我話星期一至六我已經無得出去，星期日你放假就自己出去，咁我點？最後99上黎幫手湊，我地兩個一齊出去食個lunch行一陣，到宜家暫時都係咁（疫情關係無帶埋bb一齊出去）
如果係咁 應該都仲有d火花？ 有冇咩共同興趣一齊玩
我覺得咁諗好正常、我地係生活緊唔係生存緊。
好多時我想去邊到食野睇野、會自己安排book枱、有時都灰灰地、點解佢唔會安排下兩個出街去邊。
梗係啦，生完之後保持身材，做facial敷面膜呢啲點都要爭取時間做！打扮、著靚靚係對自己一份尊重，如果連自己都唔愛惜自己，邊個會愛惜你。
如果有啲媽媽明知一個人搞唔掂，生完冇人幫拖，會冇哂人生都仲會堅持要生夠兩個嘅，咁唔好抱怨啦⋯⋯
有啲人就係咁，唔爆佢唔化，做得好
如果你覺得呢個係問題，就要考慮下⋯⋯
Keep好自己唔係為左佢、係為左自己。
做媽媽嘅你開心、頭家先會開心。
我冇辦法接受個男人只要家庭唔要愛情，可以前者多啲後者少啲，但7:3係最低限度
我老公都係咁
我係ftm日日係屋企，佢除左返工，放工放假都鍾意留係屋企。
我成日提議去邊度玩，佢都唔肯。幾個月先肯帶個女出去玩一次（佢嫌湊住個女麻煩）。
如果唔帶個女，佢都肯陪我買下餸，不過都係出去一陣就嗌攰
好耐冇跨區去玩
其實你有冇表達過你需要先
男人係好蠢
我果個都係 放假多人 唔出街 要出街要平日拎假先肯
點解你唔自己提出，要等佢安排？
如果你先生份工ok，你自己又有返工，你應該請工人，自己享受下。就算未請到工人，都應該請家務助理，家務唔應該自己做。
係我生完都覺得感情被忽略
咩都係個女先
後來傾過就比較好d
btw我都會爭取時間去做facial 行街做運動
唔想為左個女放棄自己
你老公絕對effort得起請工人
建議請工人
就算做ftm 都可以請
有人幫下手差好遠
再唔係自己返出去做野
我都係慣左自己arrange想要既野 佢只係付出時間陪同就OK