如果你用黎投資筆錢大到每月既回報夠cover租金，唔買樓係可以既
3個讚
呢個都係我諗法
所以覺得係外國買屋，長遠得個煩字
1個讚
外國地方大，選擇太多，租客保障又大。
只要有錢交租，應該唔會比屋主左右
反而買左屋，會比間屋左右。七老八十有錢旁身都重要顧住賣屋
2個讚
住落咗，可能會改變諗法。
我都覺得呢個辦法可行。
不過會比買樓辛苦D，要時常review個投資組合。
1個讚
諗起要保養間屋，真係要好多錢。
呢點都可能係 local老人賣屋考慮的因素
未必好辛苦，因為外國樓升值慢。買 d 咩 coin 物 coin都可能快過佢。
會，尤其淨係靠退休金生活後。
但暴升暴跌，心血少啲都頂唔順。
咁一定要本身有舊錢先可抗通脹，如果冇樓又冇錢就真係唔得
所以我淨係諗投資，唔敢投機
呢排去超級市場買嘢，D嘢加價加得好勁。而且銀行定期又cut到得0.3左右。
手上有錢唔投資追回報，會貶值得好快。
1個讚
係香港唔買樓要抗通賬係一個難題
但香港咁環境重通脹根本嚴重唔正常，點追？
係喎！惠康話唔加價半年，現在已經是4月尾，好快就到期。
1個讚
如果係香港，我覺得係一定要買樓。
1.人老左好難租樓
2.業主每年幾2年都加下租，搬屋好煩
3.銀行息低租金同供樓差唔多，供樓仲有一半係還緊本
4.樓有供完既一日，租樓租金要俾成世，老左冇收入點俾
5.香港政府老人院數量嚴重不足，私人既又貴質素又差
但如果係外國，可能唔同玩法，咁我就唔知嚕。
2個讚
香港，如果冇乜錢，肯定有樓好過冇樓
就算移民但預以後會返來，都留返層樓好
1個讚
現在香港私人安老院每月都要萬幾蚊一個床位。
唔想煩投資既就買樓，因為香港樓市太癲（外國另計）
但我老公好enjoy研究投資組合，我放手俾佢搞
1個讚
好好呀，你唔洗煩。投資都幾費神。