另一帖引發買樓嘅討論。
睇完成個帖，令我反思：
人生一定要買樓？
當然唔一定
我自己︰好彩工作穩定+唔想同屋企人住(要同住都可以不過最好唔好)+我有就算唔結婚都一定要獨立既思想+試過租樓但冇乜歸屬感(唔想執屋唔想理屋企) --> 買
反而作為咩投資呀，樓換樓我又唔太理，雖然我都有樓換樓
2個讚
對我黎講係一定要買樓, 因為老左真係好難租樓.
真實例子: 朋友同佢八十幾歲既父母一齊租樓, 有D業主一知道有老人家住已經唔肯租, 尤其係大型屋苑, 最終佢用公司名義租, 而個業主唔係香港先至租到.
7個讚
買樓主要原因係怕年齡大, 第時老左未必有人肯租比你, 同時退休之後何來每個月萬幾蚊交租 
3個讚
加多句︰我上面係2019年前既諗法，如果對將來冇信心，唔好買唔好買唔好買，但唔買都要諗定老咗住邊
2個讚
知你講邊個post，買樓呢樣野按自己能力條件買，依家唔買唔代表將來唔買，自己人生自己計劃
2個讚
睇人生目標, 睇理財能力, 睇地點, 睇人
樓算係必需品, 但又唔一定要擁有, 以香港為例, 過去20年升升跌跌平均每年有5-10% 升幅, 扣除按揭利率過去多年 (1.X%-10%) 成本, 正正常常一年都大概有3%以上增長, (如FULLPAY 買嚟收租就係租金%加升幅%) 咁買樓儲錢當抗通漲未嘗不可 。但如果你理財能力高, 資產PORTFOLIO 可以創造一年8%以上回報 (都唔係太難) 咁又真係睇唔到點解一定要買LIQUIDITY低嘅資產。
果個膠味POST我都有建議樓主唔駛一定糾結要買樓, 買REITS一樣可對沖, 買FUNDS, 買BONDS, 買股, 買金…邊樣唔得啫, 問題係有無咁嘅理財智慧之嘛?
3個讚
如果有能力，有需要，覺得自己有樓感覺比較好，會買樓。
我識有人，每兩年轉租，佢哋好享受新地方帶俾佢哋嘅新鮮感。
好同意你嘅觀點。
就係睇到多數意見都係建議買樓，先令我反思。
1個讚
有小朋友就想有安定居所
不過我都識單身或者兩公婆冇小朋友嘅只租不買，佢哋話想留返啲錢做其他投資，又或者想住嘅屋苑係只出租冇得賣（佢哋絕對唔係窮人，好識投資，想買隨時買到)
1個讚
我自己嚟講︰我叫佢買樓係因為佢阻住老人家，一家三口屈喺一間房對下一代唔好，而且佢老公工作穩定，佢哋又唔移民，好應該買
華人社會有磚頭先安心，唔多唔少建基於冇乜保障，
如果外國（當然唔係講亞非拉），可能又冇咁大push factor
1個讚
係呀，喺外國好多時一轉工就係去第二個城市，啲人流動性比香港高，而且政府好保障租客，好多人都未必買樓
5個讚
磚頭迷思。
買其他產品投資，靈活性更高。
買樓，用槓桿，投資回報好。
但依家，好多金融機構，可以用槓桿來投資，回報一樣可觀。
阿蘇都講過類似睇法，
買得起嘅，佢唔想住，
佢想住嘅，買唔起，
不過佢地呢類有錢人買樓/投資理念當然同一般人唔同，有錢多d選擇
當人局限係香港，思維可能都有所限制。
2個讚
我覺得唔一定既 或者唔好係香港買 太貴唔抵
2個讚
我就覺得如果要自住, 計掂條數買都無可厚非。但如果要節衣縮食, 財政上又無BUFFER (即樓價跌1/2成就負資產, 或唔做嘢半年都頂唔順) 咁就無謂買。
後生嘅資產應該先增值, 建資產倉係好緊要, 我自己就會係樓+股+外幣+基金+PAPER GOLD+實金嘅組合, 遲D有D資金回籠會再買BONDS 同英股美股平衡成個PORTFOLIO, 樓只係佔我倉4成左右
3個讚
我又覺得，有人對私隱嘅接受度唔同。
正如有啲人，咩都可以巨細無遺嘅，將自己生活係社交媒體展示。自問做唔到。。
又有人，喜歡依賴感覺，叫佢獨立，反而強人所難。
節衣縮食反而係其次，最緊要係心理上，要準備好。
好同意你對投資組合嘅睇法。我自住樓只佔30%左右。
因為香港嘅樓價長期向上，所以好多人視買樓為好好嘅投資。
1個讚