人生一向都自己，係某國人啲父母咁鬼乞人憎，養仔女為老咗有個照顧，唔照顧就喊苦喊忽要生要死
我敢問大家有邊個國家會係咁？
老實講家母今年不幸中cancer, 我宜家走的確搞到家姐好辛苦
父母英文字都唔識隻，佢地都話冇心情再適應，不過facetime電話返香港我一定會做足，宜家就算搬左出來都日日打俾佢，晚晚都返舊屋企食晚飯
我都未同我父母講我哋下年去英國。
暫時得我6299、妹妹知道。
我都唔知點講好。
呢個真係會令人唔想走
2個讚
咁媽媽有病又真係唔係咁好既時機。
咁移民可否稍遲些？
如果唔得，就唯有相反，早去早完成
現在醫學昌明cancer都有唔同程度，
只要發現得早，
有好多成功治療嘅例子。
1個讚
我哋都係照直講，開頭都諗左好耐點開口，幾時講好。咁諗住早講好過遲，比多啲時間丶心理準備佢地
你屋企又港豬又藍，價值觀已經好唔同啦！
差唔多兩年生活喺香港都改變唔到佢哋，你講咩都改變唔到。
你覺得移民好d 咪走，我覺得你家姐用父母嚟威脅你先最自私，不過佢係爛C 又難怪。
1個讚
咁又真係好難開口
1個讚
會唔會喺嗰邊安頓好入埋藉申請兩老過去？一開始老人家一定會話難適應唔想走，等疫情過咗， 帶佢地去澳州玩返一頭半個月， 話唔定佢地會改變主意呢. 況且嗰度咁多華人, 就算唔識英文生活都冇問題, 日日去華人餐廳超市, 一年都未必要講幾句英文
我舊年既情同你完全一樣
因為社會運動，佢覺得香港完全無前景，亦因為疫情，我老公好想走
機票都 book 哂
同屋企講先知屋企人有 cancer
後來啲機票 cancel 哂先走唔成
講真，當時比我走到，我都係心掛掛
我唔知你申請既係邊種 visa
我先生本身有外國國藉，我係以伴侶身份申請
佢雖然係要我係限時內搬過去，但好似可以申請 extend
如果可以的話，不如 extend 等媽媽做哂治療先
如果唔得，就拖到最後先走