尋日收到通知澳洲政已經批咗visa，我要一年內過去， 其實屋企人之前都知我申請緊移民，但係我就冇諗過會咁快批。 而家諗緊點樣同屋企人開口我打算下年過埋農曆新年就過去。
喺呢度見到好多人都係因為小朋友先移民， 但係我冇小朋友都好想同老公走，好似好自私咁。 老實講我都好唔捨得佢哋，佢哋更加唔捨得我啦（我係細女）…
可惜係全家都好港豬，覺得係香港乖乖地搵錢咪算lor，老d再移民都未遲…之前同佢地講我申請緊移民屋企人都即刻靜晒，只有爸爸講左句「你鍾意啦，尊重你，當年我同你阿媽後生咪又係走難來香港，只係宜家香港未衰到要走姐，總之外國月亮唔係圓d㗎」
而家好糾結應該幾時同埋點樣同佢哋講… 我而家好努力喺澳洲嗰邊搵緊工，希望一落地就可以有份工，等屋企人放心d。 我都儲咗嚿錢，應該都夠我喺嗰度捱一年冇工返都得，但真係唔知幾時開口好
好自私咁丟低父母留俾家姐照顧， 最難受係我家姐都幾藍，覺得我移民係搵嘢嚟搞， 佢都話咗我好多次就咁掉低爸爸媽媽畀佢照顧好自私…唉
直講啦，佢要話你自私，點都有得講
話一年返嚟一年囉，而家好近啫
自私?班 nancy 好好人唔自私咩?你諗多左啦!就係佢哋班 nancy 自私在先,搞到香港一鑊泡!唔自私留底囉!共你橙個陣,個陣就唔好話人地自私啦!
你對人好,其實係對自己殘忍!走啦!
我都唔鍾意d家人攞自私、不孝嚟講，都嫁咗出去，都要諗自己家庭，一齊留係到做港豬好開心 
照顧老人家方面，你家姐出力，咁你唯有出錢。
係囉，搬返嫁雞隨雞，老公話要走咪走
點開口都會唔高興，講真咩時勢都會有人移民，發生咁多事想走係正常，唔理解就點解釋都唔會明㗎喇，俾我照講批咗就算，落實埋走嘅日子都會同佢哋講，佢哋咁大個人會自己預備心情去面對
係囉，係要loop住呵唔明就唔明
次次再講就臭蟲論
有咩自私﹖佢哋港豬就唔自私﹖
會呀，一直屋企都係我俾最多家用，我就算嫁左都冇減。兩老見到錢係開心d ge…
其實我同我老公都係結左婚冇耐，又唔打算生，所以我父母覺得我冇咩好負擔（我人工仲高過老公一截）。
我父母就成日覺得我地2公婆諗到移民太美好，又話係我老公搞到我移民掉低佢地（因為係spouse visa）
其實我宜家租樓都特登租係舊屋企附近，每日都返去食飯…我真係好珍惜同父母過ge日子，我第時去到澳洲都一定會返香港
老啲全香港人移民入集中營
啲港豬自己自私算啦，阻住人哋做乜﹖你冇意識咪留低囉，家人一走就道德勒索，第時留喺香港有乜事佢負責﹖佢咪又係又老又唔理
啲老人家見後生移民要生要死，佢自己兩蚊搭車當然覺得香港好，又唔使返工，又大把時間排急症室，又有醫療卷。過多十年佢哋唔喺度，老既老死既死，香港係點又唔關佢哋事，而家就唔畀後生走，真心乞人憎
家用又大份d，結左婚都住得近，藍家姐無資格話你自私喎
好奇問下
係咪技術移民？想了解下申請幾耐批
直接講！
移民就係一定既，接唔接受就由得佢哋！
藍家姐說話唔會聽！
人長大左係獨立個體，做自主決定！
就係未有小朋友仲好！可以去外國生！
依家疫情姐，將來好啲既，可以飛返黎香港見下父母架！完全冇衝突！
係spouse visa係澳洲政府網話average processing time係75％18個月，90％23個月，但我由交表到批簽證只係用左6個月。唔知其他visa係咪都會咁
我父母一個小港豬, 一個黃, 2年前我同佢地講我一家要去澳洲時, 佢地都唔開心左幾個月, 所以點講都係會有說話聽。。。 但而家佢地都覺得我地呢個決定係啱既, 俾啲時間佢地接受啦！
你對上有幾多兄姊？
難怪佢地唔高興，驚你移民之後會減家用
我朋友同你情況類似，不過佢係大家姐，兩個妹好唔高興
緊張你移民俾少左家用
都唔止呢樣，父母有啲咩頭暈身慶出入醫院雜項處理都要做埋佢嗰份。
所以我唔會怪兄弟姊妹唔高興。