自從生左小朋友之後, 無幾耐就社會運動, 跟住就武肺, 所以其實我成日都覺得好對小朋友唔住, 明明呢個時間就係佢去探索世界既年紀, 但偏偏就無得出去
我生既係孖胎, 小朋友而家呢個年紀, 我唔可能一打二咁帶出去, 所以我成日都 PROPOSE D活動出來, 希望可以同先生一齊帶小朋友出去玩下, 我先生就每次都 BAN, 次次都話有疫情, 我其實心入面諗究竟係佢懶定係真心因為疫情… 唔通因為疫情, 就咁困住小朋友係屋企? 尤其當我見到其他孖胎父母帶住小朋友個個星期去迪士尼/海洋公園, 我更加覺得對我小朋友唔住
究竟係咪男人都唔鍾意出街??
點解好似我提出既所有野都唔啱唔鍾意??
我先生比起好多男係好老公好爸爸, 但只係我覺得佢願意花係小朋友身上既時間唔夠, 係咪我既問題?? 呢D野我唔想同自己朋友講, 又唔想同自己屋企人講, 費事好似數個老公咁, 但我可以點改變??
我打左咁大篇野, 呻左出來已經舒服D喇!!
因為男人懶，覺得帶細路仔出街煩，又多嘢拎，細路又嘈又唔聽話；如果你propose 兩公婆出街拍拖，佢就會去。
男人覺得細路喺屋企，無穿無爛，有飯食，早啲瞓覺唔好煩佢，就perfect 。
我岩岩有左就有社會運動，差唔多生就有疫情。
到生既時候醫院唔比探病，唔比陪產。
我老公都係咁講。不過佢會帶小朋友去公園玩。
打回應既時候同時見到好多jm都回應緊，相信好多人都有共鳴
睇到以上呢句我絕對feel the same, 我成日問究竟我地留左一個咩世界比我地下一代？再進一步諗，點解音樂櫈轉到呢個時候就停，正正要佢地suffer.
每個世代既父母都有佢地既養育難題，如果呢個係我地呢代既難題，真係無辦法，要硬著頭皮去解決。
如果bb 好細，細過一歲，我都明盡量少出街好d, 因為以安全角度睇佢地無辦法戴口罩。但如果已戴得口罩，就最好出去玩，晒下太陽對小朋友成長都好，同埋要令佢地習慣戴口罩（sosad要習慣同病菌共存）。
至於2湊2去theme park, 好坦白一黎就挑戰theme park 其實幾hard core, 一來之前少出街對你老公可能無咩湊仔鍛鍊，二來放假想休息但又要湊又要玩足成日，3來，可能佢本身都唔好theme park, 對佢來講點解要迫佢去。其實，好多大人自己去op 一日上山落山都累爆，莫講仲要帶埋小朋友。
出去玩係好事，但去theme park 難度可能直達魔鬼級，去附近公園玩住先升下level, 或者唔好同老公去係你同其他朋友去lor.
唔使比較其他媽媽點做。每個屋企情況都唔同。
係呀~ 出街真係多野拎又煩, 我仲要所有野都X2, 所以我有時都係話落下樓下公園
但佢都係唔想去, 我試過叫公公幫手帶小朋友落樓, 我先生又會話我搞到好似佢唔願去咁 (確實係佢唔願去!!!)
最近我有 FD 結婚, 我想帶小朋友去影下相, 等佢見多D人, 第時唔駛咁怕陌生人, 疫情下其實都無得觀禮, 亦都唔打算留好耐, 都淨係去影張相, 替好朋友高興下咁
我都比佢話做咩咁無聊… ><
咁其實佢想點？咩都唔做唔郁但又唔想比人知佢懶？
生到孖係福氣，希望你老公搵到方法享受湊孖b樂趣，而唔係避。
其實係, 肯落下公園其實我都已經 OK
可以的話, 去遠少少, 坐下巴士地鐵 (我兩個小朋友好鍾意巴士)
真係好近都 OK, 但佢唔會想去
試過落去, 未夠半個 HOUR 佢叫小朋友走 =="
我想幫仔影一歲相，
佢話你依家好多錢咩？
屋企唔可以影咩？
我話哦咁
你唔洗禁唔開心。
男人係咁架啦。
我地都唔係一來去 THEME PARK, 真係商場, 公園, 書局個D都無所謂
都係想比佢地落下去, 自己行下, 見下人
佢地而家都差唔多2歲, 已經知道出街一定要戴口罩, 我唔需要好長時間, 1 HR 行下走下, 對小朋友都好丫
至於 THEME PARK, 最終我地係有去過一次, 咁啱有人去唔到, 讓左2張飛比我地, 四打二咁去
去完牙痛咁聲, 話點解唔等到5歲先去 =="
我話明白無論大人定小朋友來講, 個個 TRIP 都好攰, 但小朋友好開心, 個個地方都好繽紛, 週圍問呢個係乜, 個個係乜, 唔係抵返哂咩? 我地已經唔駛錢痴人一齊去, 又有多兩個大人幫手睇住, 點解仲要咁多怨言 ><
先去附近公園玩下再一步步去遠d，盡量試下用錢買方便例如call 的士，等你老公做夠熱身先去遠d玩，最好安排到一d地方大人都嘆到下例如舒服d既餐廳，同埋其實小朋友咁細個係唔會記得野，所以唔洗內疚小朋友探索唔到呢個世界輸蝕左
憑呢幾句看出，你都係一個太太
以未到3歲既小朋友來講，真係樓下玩幾個公園都夠，有得搭車更好。但小朋友越大都無可避免要走得越遠，樓主要好好同老公傾下，早日unlock 佢既湊仔地圖。
擔心都好正常依家有變種病毒，
小朋友又禁細，
坐地鐵，坐巴士都好多人。
除非坐的士。
same conversation 我試過！
之後我唔妥協，自己上網搵，book, 比錢，inform老公個期叫佢配合出席，帶埋呀仔一齊去。到最後，見效果幾好佢主動比返錢。
男人係唔信紀念價值呢d野，自己覺得重要就只能夠自己做。 
我又試過去影樓影學生相，老公又ban我覺得太誇張。到我同小朋友影完send相比長輩，99話終於影啦，梗係要影啦，呢d錢點慳得呀！呢家我老公每年自動波帶小朋友去影樓影學生相，唔敢呻。
呢個我都試過呀~
影初生個陣, 問我話影來做乜, 又係話乜自己影唔得咩咁
後尾我自己約, 自己比錢, 我想留來做紀念
係，有時d野等得老公黎都蚊訓
小bb 都唔再bb.
其實我都明白佢地太細個會唔記得, 不過佢地個一刻好開心丫嘛
甚至當晚訓覺佢都仲記得佢落左公園 SIR 左滑梯, 打左韆秋, 個下就覺得要帶佢地落多D街開心下
好明白你唔想同親戚朋友講，寧願揀係呢到呻
呢到有好意見，希望幫到你，加油!
小朋友成長錯過左就番唔到轉頭。