BB六個月, 一向都要奶睡(我埋身), 但佢開始出牙, 想幫佢戒。佢一晚又醒幾次, 要啜奶先瞓得返, 有時啜幾啖唔係肚餓。因為我抱瞓唔到佢架, 初生時我愈抱佢愈喊, 而加我愈抱佢愈精神。老公唔會幫手氹睡, 所以我一直俾佢奶睡。
雖然聽過話人奶唔會引起蛀牙, 但6個月都應該要戒夜奶, 而且奶睡和夜奶愈大個愈難戒。
你忍唔忍心佢喪喊？
淨係夜晚係咁？訓晏覺有冇奶睡？
我幾個都係順其自然，無刻意戒嘅，就算戒左其實都係會時不時要食返，有時瞓得唔好呀，比人嘈到呀，又要啜下安撫返。
狠心啲其實唔係唔得，但一來會嘈醒全屋人，二來自己都極度心痛
我唔介意佢啜住瞓，但瞓著果一刻好多時都會大力咬，我會盡量趕喺呢一刻前幫佢鬆口
1個讚
佢午睡都要奶睡呀。我覺得除非戒埋身, 否則由佢喊佢係唔會明點解。佢2,3個月時試過由佢喊到瞓著, 但第2日佢食奶食到奶睡, 唔通我叫醒佢咩？佢唔會明點解有時唔俾佢食。
而加佢一晚醒3,4次要奶睡先瞓到…
其實好難戒,睇吓係媽媽辛苦定BB辛苦
我都係人奶媽,第一個有試過勉強戒夜奶,由佢喊,點知一病又返轉頭
第二個我就放棄,由佢自然奶睡
咁我當然辛苦,但因為研究話BB成日喊無人理會令大腦產生壓力,會影響佢大腦發展,同埋BB情緒會差啲
到依家我都覺得大仔情緒差啲,成日都內疚係咪因為當時勉強佢戒夜奶,由得佢喊唔理佢,搞到依家咁
所以到第二胎我寧願辛苦啲,都唔想令BB咁大壓力