我老公最近轉左一份佢夢寐己求的工作，未開始返，佢己經有D壓力到胃痛，而家返左一個星期工，佢開始否應自己的能力，佢會話，“都唔知其他人會唔會好似我做得咁慢” “我真係好驚我做唔落去，英文唔夠好”
我同佢講，"俾D時間自己，只係返左一個星期，做耐左就可以㗎啦！"佢都好似聽唔入耳。
間唔中就聽到佢唉聲嘆氣。希望佢唔好做到有情緒病。
1個讚
如果環境許可, 我會同佢講…俾個期限自己…做多一個月, 如果真係做得唔開心就Quit 啦… 唔好因為份工無咗自己…
2個讚
陪住佢，煮好嘢佢食，同佢做佢鍾意嘅嘢 e.g. 睇戲？做運動？飲咖啡？
1個讚
我諗佢最需要既back up, 係就算佢裸辭都會支持佢唔blame佢既人，咁我睇樓主已做到了。
敢問樓主老公係咩grade, 如果係ger grade要lead 人lead team, 而佢咁質疑自己，好容易做唔長。如果係technical expert, 可以過2星期或一個月同上司做個簡單review 先，唔使咁快驚住既。
4個讚
我會同佢講
“公司請得你，已經證明你係所有申請人之中最好同最合適嘅一個!比d信心同適應時間自己，我相信你係得嘅!”
跟住一個big hug,
“無論點都好，老婆會支持你嘅決定! I love u!”
4個讚
如果係我，我唔會畀任何意見佢：繼續做落去、quit 、做多幾耐review 下呢D…， 我唔會提議，佢應該唔係需要我發表偉論。
我會具體表達我明白佢感受：我知呀，個D 英文字一時諗唔到對住低級嘅同事淆咖、上司講一堆英文又聽唔明都唔知點做份嘢會頹囉……。唔使有建議佢點解決嘅，只表達明白佢就得，咁樣佢會分享更多，就會唔會屈埋屈埋。
1個讚
同佢做個SWOT analysis
S - Strength - 多d 讚佢依d 範疇，工作上可以叫佢多d 搵機會表現自己擅長既領域
W - Weakness - 針對弱項作出提升；如果係d 無傷大雅既野係叫佢無須太在意，有時甚至可以係d 同事面前tease下自己
O - Opportunity - 站穩住腳之後就可以開始睇下有無機會
T - Threat - 小心觀察身邊有無危險人物，或不穩定因素，做定兩手準備
呢個時候最緊要同佢一條心，間中幽默下開下玩笑等佢唔好成日掛住公司d野，慢慢會適應的
既然覺佢聽唔入耳，我覺得唔洗咁理性同佢分析。
用你地平時覺得最舒服既方式表達你關心佢，例如攬下佢、整佢鍾意食既野、同佢講你支持佢等等，等佢放鬆少少心情先。
以為自己出po
舊個份工個老細，特登行埋老公個位到，當面講「broken career」，睇死佢新工做唔好…
我老公一般只要sex就可以解決煩惱
1個讚
我老公都係
，真係易搞
老公轉工時都係咁，突然對自己無晒信心。
都係讚下佢，同佢講人地揀得你就有你既優點，而依個優點可以遮蓋到你認為係缺點既缺點。
人無完人，做份工做到日日唔開心我情願你唔返工炒股票好過。
俾佢知道有後路，唔係只有依家做緊既依份工。
呢個POST真係好岩我.
我老公都係返得好唔開心. 只因為佢唔講是非就比人排擠…
我唔識用好好聽既說話安慰佢…
每日放工見到面既時侯. 每日都係負能量既說話.
佢係基本上做到對人冇哂信任對自己都冇信心.
我有時都會比佢影響到好DOWN.
我有叫佢唔好做但佢又話總之頂到頂唔到為止啦…
我平時都只能買D佢鐘意既野整比佢食. 但問題都係解決唔到. 我既能力做唔到解決佢心理既關口.
1個讚
同佢講如果頂唔順唔好夾硬黎，大不了就辭職
人生唔係得返工，仲有好多嘢可以肯定自己
我之前份工就係做得好慘，返到屋企黑老公面，最後選擇辭職，我唔想影響到我同屋企人嘅關係
1個讚
我覺得聽佢訴苦， 陪佢做一啲佢鍾意嘅嘢， 去食吓好嘢， 等佢知道身邊有人支持同關心佢已經得。