我宜家32週幾 前幾日產檢發現呀b臍帶纏頸一圈
醫生話好普遍 可以順產既
但可能因為自己試過小產 始終有少少擔心 
所以想睇下有冇媽媽可以分享一下經驗 
我無試過，不過親戚試過，去私家醫院開刀
纏一圈好平常，兩圈順產時會屙屙吓hold住，等醫生解開再屙 (朋友經歷)
但如果纏咗3圈，甚至4圈嘅。。我覺得博唔過。。
試過，但其實好普遍。
我個case係呀b唔願倒頭+纏頸，因為胎位不正所以安排開刀，重點係生完先知原來呀b 係肚度痾便便令胎水混濁，我想講呢樣野仲大wok過纏頸，因為bb可能吸入有細菌，影響呼吸同個肺。
後來我係生完先知有咁危險過，但已無事。點解痾便便係無原因既。
所以如果醫生話纏頸只係一圈其實無咩野。
萬一多過兩圈 我諗都一定係轉開刀架喇
希望呀b唔好再玩啦唯有
搭咀：
用力唔岩、媽媽呼吸亂左，令bb 透氣唔順（當時果刻）都會令bb 受壓屙popo。
我生第一個痛左好耐，真係有亂力、亂呼吸，穿左胎水就被護士見到胎水混沌了。
真係好普遍
我係開刀，無出現以上情況都胎水混濁，所以無得解。
最後一次產檢發現纏頸兩周，問左兩個私家醫生意見，唔算特別大風險。最後公立醫院順產。
Bb出世個陣我聽到助產士話bb 纏頸，跟住立刻剪左。剩係記得咁。