bb冇啦啦發燒，網上好多都話如果唔係好高燒可以唔洗即刻睇醫生住，同埋都話會反反覆覆燒3至5日，大家有冇經歷過？發燒有冇話食乜會好啲？
買左醫保未，去睇左先就安全d
精唔精神？
多飲水
反反覆覆好多時因為食退燒藥壓住左體溫，但無對正下藥，如果唔太高溫又精神ok可飲多d水，到聽日先去睇醫生
睇下係高燒定微燒先，如果高燒就即睇啦。
微燒嘅話可以隔一兩個鐘幫佢用濕毛巾幫佢抹下身，等佢降下溫，亦都要定期幫佢量下體溫有冇高左。如果太耐都冇好轉/ 體溫再過左就帶佢去睇下安心D
1個讚
我個bb岩岩都係咁，開頭諗住比健康院退燒藥，但一唔食就燒，之後一日去睇醫生，醫生話健康院退燒藥好流，之後就話我bb可能出玫瑰疹，會燒大概3-4日，燒下退下咁，但到第4日就真係冇再燒，之後就有玫瑰疹出，我bb個時發燒好精神嫁，你bb有冇其他問題，好似流鼻水，精神唔好個D？帶佢睇醫生好d
宜家疫情下，發燒就去睇醫生，始終發燒可以好多原因，網友並唔係醫生。我覺得小朋友細，去睇醫生求心安嘅錢無得慳，當係交學費咁。如果有屋企人可以一齊去，就叫屋企人幫手在診所等，差不多到先入去睇。
發燒大前題要夠水份，同埋唔好焗住，不停幫佢抹身降溫。
我唔會理網上d人講乜，
自己個仔病，我一定第一時間去睇醫生。
去政府醫院，bb發燒一定係優先唔會等好耐。
有乜疑問，一定係問醫生。
我都覺健康院既退燒藥麻麻地
小朋友食左冇咩用
要食番平時睇開醫生既先退到燒
除非你自己係醫護人員就話有knowledge，如果唔係都係交返俾醫護人員處理啦。
一定係睇醫生先，醫生會check口、鼻、耳等，睇下有冇發炎，又會聽下個肺，聽下有冇問題，呢D只有醫生先識check。唔好自己俾退燒藥，因為只係暫時幫到退燒，但搵唔到病因係冇辦法對症下藥，只係拖病情對BB冇好處。我小朋友5個月時高燒39.x，直接去咗醫院，檢查哂都搵唔到病因就驗埋尿同血，最後發現係尿道炎，要食抗生素先有用。
1個讚
係咪玫瑰疹啊？
會冇啦啦發3、4日高燒，退燒後會出疹！
不過安全啲都係睇睇醫生！
各位：唔知關唔關事，發燒第二日我煲咗雪梨蘋果水俾bb飲，全日飲咗300ml，當晚已經退咗燒，第三日都冇再發。
雖然燒退哂，但個心都未定，今日都去咗睇醫生，check哂都冇乜野。
謝謝各位suggestion
1個讚