但我媽又未必會咁樣, 所以我驚咁講唔好…
其實之前奶奶叫過我搵我媽湊 (實在佢都有同我呻過佢而家湊孫都好辛苦)…
但因我媽都只係話可間中黎, 冇講實, 所以我都唔知呀…
我老公已經預計到, 佢話佢一定會做中間人果位, 去協調…
even我大肚期間, 中間好多唔舒服, 拒絕左幾次男家聚會, 都係佢幫我開口推既.
做人唔駛咁誠實GA, 尤其對住d對你有企圖既人。上面咁講純粹借你媽過橋ji ma, 等佢地無得再問落去。
男人做少少嘢唔使信足，到時埋身肉搏佢未必幫你
我老公好清楚我底線，佢會幫我擋，因為佢知道佢唔擋我會自己嚟，到時我會做到極之難睇，係特登，唔留手，所以佢一定主動出嚟擋，費事拿屎上身
佢成日都話得罪佢屋企人好過得罪我 
你做得出狠過佢先好信你老公
我覺得你直接推唔等如要反面，何苦佢哋咁核突都做得出，你反面都唔過份啫
1個讚
唔好向壞諗！
有咩難搞？自己小朋友，幾難搞都搞得掂！
有個陌生人，係你隔離「指指點點」幾q煩!
一陣你放低野，遲啲洗；都可能有說話聽!
一想像下，就知道應該點做！
諗下，有人打你bb，你會點？
你會話「哎呀，唔好啦」？唔會架！
你會立即「起剛」!
依家就係你「起剛」既時候，其實係為左啊b!
3個讚
係囉，咁咪得囉
我搵命搏陀住個B跟你成班人姓，頂你仲要煩Q住晒，我仲要諗點樣推你班人？同邊個住都要你哋管？
係咪男家幫我養B? 根本Day 1 老公要推啦
諗乜借口？唔想就係最大理由
2個讚
係, 我都同自己講, 為左BB, 為左悍衛我的自由自主人生, 我要硬淨D!!!
2個讚
講到明就係唔理你想唔想，就係佢地想就去夾人地都要一樣。一住得近已經好麻煩，郁d又走嚟問你借嘢呀，幫佢睇小朋友呀，收貨呀，有時又話痴下餐咁，有人可能鍾意熱鬧嘅，但係唔係人人鍾意，我就係個d獨家村嘅人，會見，但係最好唔好有咩大關聯，同埋就變咗經常性見到99，到生咗小朋友之後就會多磨擦。佢扮聽唔明咪你都扮傻haha
係，其實我唔介意見，亦唔介意間中一班人一齊去玩呀去聚會，但真係唔想太密同唔想一齊住。我都係一直扮傻，但原來只係繼續比人逼，所以今後我要強硬啲先得
1個讚
加油呀
記住「為母則強」
為左小朋友，原則上的野真係要企硬
依家就話想一齊住
第日又可能想你跟阿嫂嗰一套的湊仔方法
又可能想幾個小朋友都讀同一間學校……
2個讚
你老公係唔會覺得有問題,因為由細佢地一齊住到大, 你可以問番佢,如果同你屋企人住好唔好, 睇下佢點
1個讚
樓主好清楚知道要乜，只係太好人唔識硬推
我比膽你去馬!
1個讚
我99同你99一樣！好鍾意拎大新抱黎做標準，咩都話果時大新抱都係點點點，真係好煩，我同99同住，初初諗住當耳邊風，但聽得多真係會頂唔順，本身同大嫂一家關係正常，搞到宜家都變成有啲抗拒，所以有得揀都係保持返啲距離好啲，同住真係會令關係變差，仲令自己生活壓力愈來愈大
愈拖落去對件事愈壞
你一直唔出聲人地以為你無意見，咁人地就繼續plan，去到一日真係去馬果時你先話say no 只會更壞。
打從一開始就應該拒絕，你老公好明顯唔係迫你而係由得你，覺得只要事情繼續落去終有一日你都會接受，因為樓主無強硬地對佢地反對過。
1個讚
咁你99咁講你會唔會回應佢？
我諗住如佢下次再講呀嫂點點點，我就出聲反駁佢，就算搞到尷尬都由得佢！
諗起就想發癲，痴痴地。本身佢地都有問我bb英文名會唔會跟嫂小朋友英文名個pattern, 又係癲線，不過果陣佢地係係group文字問，我就可以直接推再加啲emoji咁
樓主，支持你爆完上黎update.
初初係咁e笑下當回應，後來我就照表明心態，同佢講人地點做係人地嘅事，我唔一定要跟人地。 自始我同99 關係又進一步惡化 
宜家仍同住但冇乜交流
好癲，堂兄弟姊妹咋喎
就算係親兄弟姊妹都未必要咁做啦