因為你從來冇強烈拒絕所以佢哋不停講，有啲人就係咁，唔識做人，係要人dull口dull面硬硬咁拒絕
你就咁做啦，清晰地say No，煩少好多
2個讚
我有講過話冇晒私人空間, 得返間房係自己既, 平時買D乜野可能都有comment/說話聽…佢就話咪由得人講下囉…
我都有話要應酬, 帶住面具做人, 但當然呢D佢都唔覺係一回事因為果D係佢家人…
我話嘈交都全世界知啦, 佢又話邊有夫妻唔嘈交, 真係無言.
咁要唔要揭起肚皮比佢地睇, 係佢地面前搞埋野丫? 邊有夫妻唔搞野?
你老公不嬲都痴屋企？
正常人應該大個左都會因為依d理由反而想要自己私人空間
有無了解過佢想一齊住既原因最大係咩？
照咁睇似係佢都想多過就咁唔mind 因為正常人依d野都會諗一諗
佢驚無人照顧小朋友？定係因為想就下阿哥阿媽？
聽落靠你老公冇用
因為佢似想住埋一齊
其實最後真係要靠你自己去say no
最緊要硬淨啲，唔好講到唔sure咁俾機會佢地說服你
有時候冇理由就係最好既理由，直接話我唔鍾意
問你原因，冇原因就係唔鍾意
正常人都明，唔正常既唯有講多幾次講到佢再提起都覺瘀就得
1個讚
以我對呀嫂既了解, 佢係好識做人既人 (佢工作行業亦係一個需要好識做人, 面面俱圓的性格先做到), 我覺得佢只係扮唔知, 或者意圖想再說服我地…咁樣先難頂…
我會清晰地say no, 多謝你
1個讚
佢想有人照顧小朋友, 覺得newborn靠工人唔好, 工人亦要比地方佢訓, 咁有咩好過由自己家人照顧呢?
而且佢覺得有家人分擔家務又會舒服D.
佢本身唔係痴屋企果D, 我地搬左出黎住, 佢好日都唔搵下佢屋企人食飯既…次次都係人地initiate飯局, 冇我地initiate.
我諗你要兜口兜面講！
唔洗太大反應既，越冷漠就越難估！
輕輕講出「唔好玩啦，相見好同住難，唔好喇」
佢哋再講你就一句「得」埋去：「唔會一齊住，唔好再講喇！大家食飯」
1個讚
冇錯, 我要硬淨D 
2個讚
輕輕講句"唔好玩啦，相見好同住難"都好wor, 又唔駛諗咩原因, 大家都明.
等我下次就用呢句先.
如佢地繼續說服我, 又或者講 “而家我地 (奶奶&呀哥一家) 咪又係咁一齊住都冇野呀之類”, 我就話 “唔好啦, 我唔得架” 就算.
4個讚
係！每一次都要木口木面！
等佢哋估唔到你咩底(poker face
)
同埋越簡短越好！
「下？唔好啦！/咪玩啦！/咪講笑啦」
佢哋：點解既？唔好咩？
「哈！緊係唔好啦！/因為唔好囉，咁麻煩/總之唔會啦」
1個讚
我就係做唔到木口木面…我會一面尷尬樣… 
雖然我內心已經係火都黎埋果種, 但個樣就係做唔到…
我對住塊鏡係得, 但係佢地面前, 我唔知點解就做唔出…
佢哋就係見你咁既樣，認為你係可以「說服」
所以一定要木口木面（因為唔想反面，所以又唔好意思黑面）
呢個好似仲難過我開口say no.
我要諗諗點做到先得.
(練習先係唔得, 因我對住老公呀果D實好易做到…對住佢地, 始終戴左個面具…)
我初期都係flexible working + 無人幫手, 我要講定你知個辛苦程度係超乎想像, 照顧初生BB已經長期唔夠瞓, 仲要做嘢, 有時真係handle唔到… 我都係餵人奶, 追奶喺上嚟, 真係抖都無時間抖, 何況要做嘢… 加上你老爺未湊過BB, 好老實講男人真係湊唔掂(加上老人家湊仔果一套方法真係會令你無限發顛), 所以你要有心理準備隨時係長期一個人撐
當然我係唔贊成搬去同男家住, 有能力梗係自己住好, 但如果你地無工人, 又無其他親人可以幫到手, 喺你老公個角度, 佢梗係想你同男家一齊, 起碼奶奶湊過初生(撇除佢講果D廢話), 所以佢先不時又拎出嚟講下, 我覺得一係你再態度強硬D講明唔搬, 或者真係請定工人/搵娘家幫手, 咁佢就無籍口再提, 純意見, 不喜勿插, 祝生產順利 
1個讚
沉澱下個人先！
唔好就唔好，點解要解釋？
解釋？因為我唔想，完。
比一次勁啲，話「我唔想啊，唔好再講喇，我唔會改變主意！」
將所有尾音收起，有咁掘得咁掘！
2個讚
簡單d, 話你媽會黎幫手甚至會過夜，住返呢度方便d就完，不補充。如果佢地話不成問題來打動你，你都堅持話同媽媽傾左係咁安排，不補充。千祈唔好受佢地擺佈。
之後，樓主一定要請工人做back up.
我從來唔會indirectly，一定直接say No，費鬼事煩
啲人迫人一齊住真心有病
1個讚
有病咩…
第一，我唔想同第二個男人住
第二，唔想個老公同第二個女人住
第三，我要喺屋企隨時那高件衫餵奶
3個讚
可唔可以試下同老公講:我同我媽相處左咁多年都會有爭拗，同你屋企人住唔會避免到，到時大家有咩相處既問題發生，最苦惱最難做嗰個會係你
睇下你老公怕唔怕麻煩
老實講, 其實我都冇信心自己handle到, 我有同事都係剛放完產假, 佢亦係flexible working + home office佢都同我分享真係好難搞, handle唔到兩邊, 最終佢都請左個姨姨每日黎幾個鐘幫手 (10am-4pm), 所以我都冇信心, 我媽話如佢身體許可佢會黎幫我, 但佢都唔敢promise可以日日黎, 老爺係冇經驗未湊過, 佢話佢最多可以幫我睇住BB make sure係生存緊, 同埋可以幫我買餸煮飯, 所以我都唔知…
我只係知我唔想一齊住, 老爺有講過話一係佢去睇呀哥的小朋友 (到我生果陣, 哥小朋友會係1歲多d & 6歲半), 換奶奶黎幫我…但我估可能呀嫂佢地都唔太想啦因為始終奶奶湊開, 同埋1歲果個其實都係要attention 要抱呀換片餵食果D…
長遠其實我地都係會請工人, 只係而家疫情下實在太難請…先希望係捱到頭1, 2年, 再請咁樣…唉其實我都冇信心架,不過…我又真係好好好好好唔想一齊住囉 