剛有件小事激發左我個大疑心：今晚同男友去完街各自番屋企，就講左幾句電話就話收線瞓覺，收左線後，咁啱有人ws我，我就ws啦，原來男朋友講電話前有個ws比左我，咁我click 入去，咁見到佢＜在線上＞咁我就ws 番佢兩次，『仲唔瞓？』佢係雙藍剔，仍然係在線上，但冇應我,咁我等左大約半分鐘左右，那在線上就冇左，但過左幾秒又變番在線上…咁我覺得奇怪就直接打比佢，咁佢就好似瞓緊咁，我就同佢講番我見到ws情況，跟住佢話唔知有ws, 仲好似唔知我講咩，佢知道我有懷疑，佢就話佢冇呀，佢話自己瞓左覺，跟住我冇出聲，因為我係度諗緊有冇咩唔妥，之後我想自己冷靜啲，咁我話收線，佢都有少少嬲我唔信佢就收左線…
我係咪諗多左？太大疑心？因為好多人話自己老公都去偷食，仲要外表係好好先生咁款。
佢可能真係瞓緊但有人用緊佢電話囉
1個讚
係咪開左web版whatsapp跟住冇關到就去左訓
“佢係雙藍剔，仍然係在線上，但冇應我,咁我等左大約半分鐘左右，那在線上就冇左，但過左幾秒又變番在線上…”
冇人用緊點會又on又off呢
Whatsapp同Messenger都周不時痴線架啦，話我老公在線上喎，active now，頂佢係我隔離訓到隻豬咁，呢排更新完仲成日明明冇睇過d訊息又話我睇左，實情根本連notifications都冇，響又冇響過
2個讚
whatsapp D ticks 真係唔太可靠
老公剛剛影完啊囡相我叫佢send 比我，睇住佢按落我個 wtsapp message box, 寫住在線上，send 完仲即刻有兩個藍色ticks 
癡鬼線我電話響書台掂都冇掂過
3個讚
原來ws會咁樣出錯，謝謝大家分析，我諗我琴晚都係諗多左，今朝瞓醒精神啲，諗諗下覺得都應該唔會有啲咩野，都唔想小小誤會攪到大家無事變有事，下次都係再冷靜啲。
3個讚
有時做女人唔好太聰明
除非睇到佢電話有實質証據
5個讚
正常唔會一黎就起晒槓
係咪本身關係有underlying issues
似係你對佢不信任
呢個曾經都試過，係唔準架
我男友係我隔離send啲sticker俾我，然後佢出返去home page
但我入WhatsApp見到佢仲在線上，然後試左原來要佢kill埋app先會顯示返正常上線時間
我本身個人比較敏感，仲成日見到啲人網上講話另一半表面好似幾好，但原來都係出軌，好似好難會有唔出軌既男人，我地都冇發生過啲咩，只係我唔太有信心，可能以前有一個男朋友試過兩三次揾其他女仔（佢地冇做過啲咩，只係大家都有好感），可能咁樣我有少少唔信人
會唔會可能忍唔住訓係床到睇下what’s app所以又變左online?
我老公當年仲係同我拍緊拖時試過，好無辜咁俾我爆左一鑊
恕直言，我係女人都唔幫你
無論結咗婚未，其實都冇權check另一半，用審犯態度更加令對方不舒服
如果想有長遠發展嘅話就真係要學下點信人
互相信任同尊重係好重要
掉返轉男朋友唔信你，你會點？
就咁一個WhatsApp status 就咁大反應
好難同你相處落去
人生流流長呀
唔睇咁多位回覆，都唔知原來WhatsApp會神神哋
真係好煩
如果我條仔拎呢D野黎煩我佢應該以後無機會再驚
你同佢拍咗唔夠一年？咁樣佢好快覺得你好煩又無趣，會同你分手
首先個問題係你唔夠自信，所以成日都懷疑身邊嗰個。女人應該要自信獨立，先會靚會有吸引力。
認真，佢要去搵第二個到你係咁煩住佢check佢，佢都係會走。佢本身係好嘅唔會嘅，你咁樣煩住佢佢都俾你嚇走咗啦。