我既故事有少少長。
上年年頭發現懷孕，可惜9周產檢發現冇左胎心流產左。調理左幾個月決定再努力。可惜一直冇好消息。
上年經期一直都唔準，試過兩個月來經冇停過，又試過過左35日都唔來經，經血量又少。突然自我放棄，食到好肥，由52kg半年重到57kg。年尾忍唔住就搵左營養師減肥。
因為經期唔準有時又測唔到排卵。今年年頭決心搵不育科醫生檢查下。點知book仁安董醫生要8月先有期
。最後3月去左翹康睇左董醫生，發現左原來我係多囊卵巢（以前檢查一直都冇事）。
到四月頭抽左血，催乳激素高。老公精子形態唔正常比例高。董醫生建議IUI。即刻開左排卵藥食，食左五日。19號準備去照超聲波睇下排卵既情況。
而家每日都好緊張，好勁冇卵大到，又好驚子宮內膜太薄，又怕卵太多做到。
請問有冇同路人分享下？有冇人一次成功？
心灰左年幾，呢個係一個少少希望。但好驚自己期望太高，失敗嗰陣失望會好大。