想係私家醫院開刀，可唔可以產檢去健康院檢查？唔去私家度檢查？可能去到24-28週打後先去返自己個醫生度做產檢架？
通常大家都係唔去健康院，但會去私家
因為健康院冇機照
4個讚
健康院只會驗尿，摸下同度下你個肚，會聽bb心跳但無機睇bb，睇吓你放唔放心囉
健康院檢查好hea㗎，淨係摸下肚聽心跳咁，睇返私家啦，有得照超聲波見下bb，同埋照結構嗰d佢都係會叫你自己搵私家
一係兩邊都睇囉
可以嘅，不過健康院檢查就好簡單（唔會幫你照），睇你接唔接受。
通常我識啲私家生媽媽都係兩邊睇，雖然健康院個檢查都幾癈，萬一touchwood有咩事要返公院，都叫有個record。
無話唔得，但係健康院其實都預你會出私家照，有時仲會問你拎返睇私家既照聲波相黎睇～
好多野摸肚同聽心跳睇唔出，例如子宮頸厚度，胎盤位果d, 所以穩陣我都會睇埋私家，一個月一次都夠
最好唔好啦，健康院個d摸兩摸，用把尺度下，聽下有心跳咁就走得，無機照，個時都係私家發現有問題寫信返政府跟，政府照埋又話無嘢，最後要急住入院催生
2個讚
咁如果調返轉，可唔可以全程去私家產檢，唔去健康院？只係去政府醫院登記？
醫院同健康院其實係兩個system, 去完醫院登記佢都會要你再打電話去健康院約產檢。我覺得健康院第一次產檢都去下keep 返個record 好啲，健康院亦會做糖水測試，呢個都需要做的。另外醫院會大約十二週同你度一次頸皮，亦會安排你見一次醫生，如果你有私家test DNA, 可能唔去度頸皮都得，但醫院醫生見一次好啲，得佢有你啲record
私家好似冇糖水飲，政府反而有。
但其他政府就信5過。果時政府27週已話BB調左頭，直到37週私家醫生都見BB一直未調頭，立即寫信比政府入院。
而且如果你不幸有糖尿或毒血政，就算你定晒私家都冇用，因為佢地冇足夠儀器同你接生，你果時都要去政府到生。
首先要有私家醫生接你呢個case, 你先可以book 到私家開刀。
所以問題係你要搵到一個願意配合你呢個想法既私家醫生先。
識嘅大部份人都2邊睇晒
我一早plan好私家生 一樣2邊都去晒
我返工請假好hea 所以所有檢查都去 唔好蝕
政府比較簡單 但重要檢查一定有 (頸皮/妊娠糖尿)
冇得睇超聲波 用心跳機only
但對於曾經fail嘅人 覺得每個月有多一次聽吓心跳都機會都好溫馨
我bb較細粒 政府check到頭圍同周數差d都有refer我返政府醫院睇專科 睇專科有超聲波照 都叫做跟進到我生
(喱一part反而比我私家醫生更細心)
加上我book嘅私家醫院比較遠
萬一touchwood有咩意外要白車入院就要仆去政府生
咁到時起碼喺政府都有晒record
我月尾飲糖水 好驚
兩邊都照去
如果健康院見有咩問題
會轉介公院
公院跟得好足
不過私家
照下
買個保險都係要
建議兩邊睇晒，試過私家懷疑bb有事，即轉介去公立詳細照一次，touch wood如果有棘手嘢，其實私家係未必肯幫妳接生，keep住有健康院紀錄，都係一個保障。
帶枝飲管去，慢慢啜，無咁易反胃作嘔
係咪一杯大杯？
我果陣係一大杯，另外比隻紙杯仔倒出黎飲
真係～ 如果touchwood有咩事，公院真係跟得好足，唔係sure無事都唔會放你走！