想問下意見，1歲bb會用幾多時間陪玩
同埋玩咩多
我放假多數自己一個，除左煮飯同訓覺之外，所有時間都係陪住個B。
因為就算你唔陪佢，佢都會痴住我
有時佢可能會自己玩玩具，咁我會陪係佢側邊，形容下佢做緊咩動作呀，可以試下點玩呀咁，等佢可以學下啲字。同埋佢好中意聽故事書，會叫我坐係度之後逐本書拎出來叫我講。
同埋係屋企鳩行啦或者落街散步咁。1歲可以扶住野企，佢會推學行車係屋企周圍行，仲會推將茶机（好鬼重）由廳一面推去另一面
。落街就拉住佢兩隻手行，佢踩到啲野有聲會笑得好開心，行一陣就上返BB車推佢周圍睇下野咁。
3個讚
因為我係FTM, 做完家務，就得返好少時間可以陪玩
佢blw食飯，所以每日都沖3次涼，連埋煮飯個d都唔少野做
就咁睇到你講，都覺得陪佢玩個陣好可愛
1個讚
我真係好佩服咁有心機嘅媽咪，我曾經都諗過blw，不過現實來到時我真係接受唔到
都係俾佢自己食, 係highchair用一大張枱布冚住佢隻腳(好似餐巾咁), 食完換衫同洗手洗面算 
沖三次涼真係會攰死, 好勁呀你
1個讚
我啊女都係一歲，自己要番工太太ftm ，自己冇乜經驗都唔知呢個時間教啊女咩技能。屋企細，限制左範圍，佢成日想突破同爬欄，我地成日要阻止佢搞到佢成日發脾氣。 哈哈。
其實好難計玩幾耐，因為有時間就會同佢玩，咩都玩，一張紙巾都玩一餐，有時同佢睇下布書，俾佢自己揭下，或者大粒軟積木都有玩
一開頭好崩潰，崩潰到有幾次想喴
但慢慢佢愈食愈好，自己再調節時間
計好點樣可以做曬d野。依家先好少少
1個讚
真係好攰但已經習慣左
係佢食緊野，已經洗定佢d沖涼玩具同浴盤
我個仔都係，有次行遠少少整野，已經爬左上去
但唔識落來，個仔嗌曬救命咁
係怕自己陪得少，阻礙佢語言發展
我自己就咩都同佢講下，例如佢拎起咩就講
我淨係俾佢食餅乾呢啲冇咁混亂嘅食物，都俾佢食到好混亂
你係一加固就blw?
我仔下個月一歲，我都好好奇其他一歲b係點既～
我睇自己個b好似咩都唔識同不感興趣咁
最鐘意就係左右手揸住玩具爬黎爬去，扶住sofa邊行（未敢扶住行第二度）
因我唔係ftm，只得夜晚時間陪佢睇書唱下歌仔，抱住睇書15mins左右就打喊路想訓覺（如果唔抱住一早爬走左）所以好羨慕樓主bb會主動睇書
，同佢彈下琴就想拉住譜架位企起身/走佬
有人話要培養閱讀習慣從小開始，我個仔就好似都無咩興趣咁
1個讚
Sorry
笑死我
講得好啱，其實咁細個唔使有咩做，都係多啲俾佢摸吓不同嘅質感，整吓不同嘅聲響，仲會怕地下嘅又唔適合去公園，我都係去買餸當去街咋
同佢睇吓書，佢勁鍾意，但係小朋友都係鍾意重重複複，講同一本書成20次，講到我有啲懷疑人生
FTM唔洗擔心啦，你當自己同空氣講野咁，可以同佢搭嗲又得，一路做家務一路講出聲話「媽媽而家晾衫呀」咁。見到咩物件又可以指住同佢講。
呢個時候就算佢未識講，但係聽到多唔同字對佢之後學講野好有幫助
1個讚
係
喱個時候啱啱可以企定/扶嘢行
屋企買完風扇個大紙箱夠輕 佢推住鳩行都玩到成個月
4個讚
BLW 就係由一開始加固就唔會spoon feed 
1個讚
唔係ar, 開頭都唔想行blw
怕辛苦，但見到仔仔成日想自己拎來食
覺得佢會食得開心d, 就直接行blw
1個讚