有無候生媽媽本身係好鍾意着短裙短褲
但做咗媽媽就轉咗look
長裙長褲闊腳褲
覺得帶住BB着得太少女會好奇怪
但本身又好鍾意着短裙同短褲
想知大家做咗媽媽之後有冇改變到本身既衣著
有照著短褲，但唔係短到岩岩cum pat 嗰隻，唔著短裙係因為湊仔唔方便，要抱要跑又驚走光，唔關覺得太少女事，如果嗰日有老公幫手，都會著下及膝裙之類
1個讚
我覺得唔係少女問題，係驚比個仔扯到走光
如果老公係度我都會著下裙同短褲，唔使成日抱又fing嚟fing去咁
3個讚
小朋友細時只著褲。。。。因為佢地總有方法令你走光。。。
而家佢地大左，我又老左肥左，one piece裙 最多，夠方便
4個讚
冇乜改變,著返生之前D日系少女style 短裙、短褲照著,著裙時不嬲有打底。不過會開始買多D有袋嘅裙同褲,同仔仔出街時有袋會方便放手巾仔呢D。
1個讚
短褲少著，覺得少少唔合適咁？
以前可以著啲大領既唔怕，因為冇乜會走光！但有小朋友之後又要「烏黎烏去」好危險
1個讚
本身露腰多，依家湊住個仔都唔會露
自己出街先露返
1個讚
著多左長褲同one piece, 但搣唔甩c9身形
1個讚
我都係著返生仔之前d衫
間唔中都會著長裙
1個讚
短褲有 因為真的太熱
短裙就少左著 去到及膝既裙就會著 加一定搵d有袋既裙 袋電話+紙巾
最大分別係無乜點著有踭既鞋,最多2cm高 多數平低鞋 因為唔夠個小朋友跑 有時要追住佢
1個讚
因為身份唔同咗
有時係街聽到啲老人家講：「哇 做咗人地啊媽都着到咁短 博咩 教壞曬」
所以搞到唔敢再著
但始終得二十歲多啲
貪靚既心一定有
又唔想成日着到太成熟或者求求其其
好矛盾
我聽到個姨姨講緊我:「媽媽咁o靚妺!」 我反而好開心,因為我年紀一D都唔細,但外表俾人個感覺可以咁後生,都不知幾好~
自己開心就得,唔洗理人點睇~ 
又唔係乜都冇著~
2個讚
我帶仔出街都避免著得太少女
驚比人覺得我刻意扮後生
自己一個出就冇咁避忌
同埋都唔會著熱褲mini skirt了，始終做左媽媽
而家著短裙短褲都係著及膝長度
都照著短褲，著波鞋。
裙（長短）都少著，因為湊小朋友唔方便
通常都著T比較多，同埋一定咩個斜咩袋仔，要裝電話、紙巾、噴手。之後又有一個大袋裝小朋友野
痴線
咩人諗咩野，壞人先會諗壞野！
我唔會理咁多，想著咪著囉
佢要挑剔總會有野講，做返自己就夠
好有同感！
做咗媽媽之後都有本事著短褲先勁啊。
我就唔理人點睇啦，著返符合年紀嘅衫咪得～
P.S.其實係唔會因為做咗媽媽之後仲會花錢買新衫⋯⋯
其實我覺得生完仲可以打扮到靚靚既媽媽
好令人羨慕, 我o係街都會望多幾眼 
平時我湊住個仔
出門頭都唔梳,.妝又唔化, 著TEE+牛仔輩+波鞋
拎環保袋+媽媽袋
因為真係趕出門口…咁樣係最方便
如果多個人湊, 可能都會有心機打扮
但自己湊B出街…太趕…
廢老講廢話完全唔需要放喺心上
不過短裙真係著少咗, 有時顧住小朋友, 真係驚唔小心走光, 另外大量入手有袋嘅褲/裙褲, 有袋真係好重要
無乜改變
weekend湊仔都會著短褲/長裙/長褲
湊仔唔會著短裙因為易走光
但返工會照著短裙