想問家庭醫生同普通科醫生有咩分別?邊樣好D?
見診所有D係家庭醫生, 有D係普通科醫生, 其實邊樣好D?咩情況去睇邊科醫生?
以我概念係家庭醫生係自己有咩事都會搵佢睇嘅醫生，因為佢跟你好耐，清楚你病歷
家庭科醫生都算係普通科醫生，但普通科醫生可以係你去政府診所當日當值嘅醫生、可以係你去私人醫療中心當值嘅醫生。未必清楚你個人病歷同個人生活習慣
我哋一家都有睇開家庭醫生, 睇左好多年,
佢好記得我哋全家,睇得仔細D, 好全面,
佢記得我屋企人有咩遺傳病, 又會提我定期要驗身
家庭醫學係專科嚟
普通科醫生就冇專科
大概係咁
4個讚
其實真係冇話邊個好, 人夾人
我以前都係睇普通科醫生,近兩年轉咗去睇家庭醫生先知咁唔同
係就係睇醫生,但我係港怡個位家庭科醫生睇得好詳細, 唔會睇你3分鐘就趕你走! 仲記得第一次睇佢時佢真係似查家宅,除咗問我有乜唔舒服,仲問埋屋企人,返工D野, 到下一次再睇佢時佢仲記得,超nice,係醫生又似朋友,之後就一直都搵佢
2個讚
岩， 家庭醫學專科醫生係for你持續睇同一個醫生，佢會清楚你嘅病歷同配合你嘅其他需要，例如心理同生活上。
2個讚
政府診所個D真係等好耐, 之前同屋企人覆診, 等睇等好耐, 拎藥又耐, 睇就1分鐘睇完…
自己印象麻麻
咁聽落個感覺幾FRIENDLY幾細心呀
心理同生活都考慮埋? 咁聽落幾詳細, 會考慮整體
以前一直都以為西醫都係頭痛醫頭, 腳痛醫腳, 原來唔同科會有唔同
係呀，普通科嘅醫生淨係頭痛醫頭腳痛醫腳，家庭醫生係會視乎你嘅職業同家庭崗位，有啲治療方案未必適合嗰啲人就唔會用，而且佢都會比較尊重病人嘅意願去幫你一齊治療方法。
呢啲係理論上佢哋要做到嘅程度，實際上家庭醫生有冇咁細心就個個唔同～我細個睇開嘅家庭醫生都係頭痛醫頭腳痛醫腳，咁我又真係淨係傷風感冒發燒先搵佢
體驗唔到佢嘅威力，係想近近地拎張假紙
如果係睇長期病嗰啲就真係家庭醫生會好啲。
係, 始終家庭醫生會比較了解個病人既過去病歷，知根知底，斷症時會問得詳細啲,有需要就轉介
家庭醫生清楚病人甚至其家人過去病歷，身體狀況，斷症會準確好多。
試過半夜唔舒服，或者嚴重疴嘔，whatsapp問完已可決定係咪要入院。醫生預早通知醫院要同病人做邊類檢查，我到醫院時已即時做得，報告出時醫生已到，有效率好多!
1個讚
咁好可以WhatsApp?仲可以通知醫院？私家醫院嚟㗎？
私家醫生但有係私家醫院掛牌，小朋友一出世已經係揾呢個醫生做初生 baby care，熟到連我下一句對話想講乜都估到。
2個讚
係會考慮埋架!
有次小朋友唔舒服，我一路睇醫生一路喊。後來問醫生駛唔駛留院觀察，醫生話要!
佢話:
"小朋友返屋企食藥就ok,媽咪情緒太激動，可以考慮留院觀察!"