15/3第一日黎，開頭果幾日黎得唔順暢少加啡，20/3開始多到2個鐘一塊滿晒35cm
22/3婦科照陰超話子宮內膜仲好厚，開左五日啲荷爾蒙藥同止血藥俾我，食左幾日係少左
27/3覆診，醫生再開多幾星期荷爾蒙藥俾我調周期，話應該過多幾日會停經，食晒啲藥就再黎一次然後先去覆診
但係我一直都有血出無停過，曾經有一兩似想停後尾又多咗啲…荷爾蒙失調影響到咁耐好煩
唔係嚇你，親戚以前試過，係有腫瘤，好彩之後收經唔洗開刀。
有冇睇多個醫生攞意見？
1個讚
無呀，呢個醫生睇左好多年，我等覆診多次再諗吓點。我都驚係腫瘤之類嘅野。
多謝你
好似睇多個醫生好d，照照佢，因為失調我食中醫都好快停血
試過黎半個月，之後搞到貧血，睇中醫有幫助，但補血要食鐵丸
我係一月左右因為月經唔準然後睇中醫，食左兩個幾月黎左兩次月經，上次係差唔多兩星期後期量多，隔一個月之後今次再耐左，因為食荷爾蒙藥我停左睇中醫
有，啱先來左成20日……
我亂左幾年，一開始亂係成個幾二個月無m，檢左又唔係有左，然後就突然來，血崩咁滯……又多又耐又有血塊仲好痛…
然後就開始亂同來唔停…食左半年調經藥，會正常幾個月，但幾個月後又亂過，時多時少，有時係少少既血水，但就就係唔停…仲要搞到嚴重貧血，止血藥都無用，要食調經藥先可以停到…所以就係食藥，正常，停藥，亂過，再食藥……咁不停輪轉……
我只係正苦婦科定期覆診，檢查，照超b，抽組織化驗…但就話檢左無咩野（你知正苦醫生係唔會講，又唔比報告你），應該係就更年期，荷爾蒙失調…
我10年前試過，最後發現係子宮肌瘤，做手術後情況好好多，但呢近年又有血崩，一m量多就食幾餐糯米，啲m即少番
我岩岩先三字頭，咁快就更年期
我早幾個月先check 過子宮頸抺片係正常嘅，我唔係睇政府，如果睇私家咁睇法都好甘…
食糯米真係冇諗過，咁岩尋晚食咗芒果糯米飯，睇吓有冇幫助先，多謝你
咁我又真係經常因為工作有壓力而無嚟 M, 有次仲不停咁驗孕都驗唔到，到驗到時阿女都接近 6 週了，但果時已經無嚟 M 3 個月
最後去到驗 OSCAR test, 荷爾蒙果 part fail 咗，攪到高風險要抽胎水 tim, 即係我未到 30 d 荷爾蒙都係亂亂哋啦
唔一係因為更年期，咩時期都可以有荷爾蒙失調……情緒，睡眠質素，壓力都有可能。
睇第二個醫生，M突然黎咁耐就算唔係腫瘤都可能係病變。子宮內膜厚都要處理，唔係就咁食荷爾蒙藥同止血藥。
希望你係失調… 但…
我同事係M 亂晒加停唔到, 發現係衰野…已經走左…
好驚呀，但係我都照得比較密，如果咁都發現唔到就可以拆招牌啦
樓主，你情況如何？
我都有呢個問題⋯⋯
排卵期岀血之後流不停！
流量不多，但keep住有。依家等緊真m到！
（10幾年排卵期岀血問題，呢2年都試過1-2次keep住流既情況。睇過婦科又係照過話冇野，做抹片又正常⋯⋯今個月又係咁，真心好煩！)
我食完荷爾蒙藥都仲流經咁去照子宮，醫生當時照到有粒野係子宮，佢話唔清楚係咩，想知係咩就要入手術室，佢當時俾左兩個選擇我
1.全身麻醉入手術室，醫生會沖乾淨子宮望下係咩，係瘤或息宮就刮
2.俾避孕藥我食一個月之後再番去照
我選擇2. 食左幾日藥，就無再流血，完一次避孕藥周期去覆診，醫生照完話無野係子宮
佢建議我食多半年藥控制下，順便減吓磅，因為我超重…佢話減磅對身體會好啲，一個月一磅一年都十幾磅，佢話輕啲對想生bb都減低流產風險
暫時都無再唔正常出血，仲縮短左經期日子同經量減少
有朋友試過, 結果係子宮肌瘤, 因為個瘤會吸血, 之後一次排返出黎…
勸你睇多個醫生照超聲波睇睇好D
咁幾好喎！你嗰時係超聲波定照陰超？
醫生難book嗎？
我都想知啊，大女佢半個月就嚟 M，會唔會係排卵出血？d 色係好淺啡色，近乎透明，你係咪咁？