想知大家有無幫BB買保險? 係買醫療, 危疾定係儲蓄多?
之前見人講買AIA好, 但我第一胎唔知有咩係一定要買既… 求指教~ thanks!!!
出世前已有，你望下自己買左咩，佢都係人一個，其實同大人差唔多。
邊間公司or agent好定唔好，我諗真係問翻信得過嘅人好啲。
冇一定架⋯⋯大把人自己都冇保險
我買儲蓄，滾返廿幾30年俾佢做咩都好，比較完d報酬買左中銀
醫療未買，但如果要買一定優先過危疾，比較過就宏利好d咁
不過推出d plan年年唔同日子都有d唔同優惠，你係買就間間問下佢而家有無推廣d plan
其實我係打算買醫療保既 XD 但係見好多人都話危疾買左保險D~ 我又覺得大多數BB出世都健康~ 所以好爭扎姐~ 
宏利都好多人買~~
THANKS AH!!
不如咁講，其實大部份人都係健康冇需要喺一生裏面做大手術，就係大家都健康，但毛啦啦又會有人有大病喎，搞到健康嘅人都怕怕，先會有保險呢樣產品。
如果人人都有病公司一早賠到執咗笠。
個人認為起碼都要買住院危疾
醫療就睇父母公司包家屬幾多
教育儲蓄就睇能力
Bb細個病痛好難講，大人就話識講忍到
Bb真係有咩事，重要公院急診排隊真係好心急，由其半夜或流感高峰期，真係一床位難求
試過bb中左沙門氏菌，私院去到即上房，公院應該冇4個鐘+都唔洗旨意輪到你。最後住左4日私院，加埋出院後覆診，都找數成4-5萬，好彩有買保險先冇咁赤
1個讚
留名，我都想知
醫療住院危疾都有買，因為驚小朋友有突發要住院，唔係大事公立有排等，其實保險買左唔會想用到，我二個買左幾年都無用過，但就保障到有事自己有得揀去私家定公立
儲蓄無買，正如我係另一個post 都有講，奶奶買左廿年先岩岩回本，自己對儲蓄保無好感，同埋自己幫佢月供股票，啲錢係自己手流動性大啲
Thanks大家意見～ 等我了解多d計劃同價錢再決定點買
危疾係你永遠都唔會知幾時出現，到出現時你想買都已經太遲，如果世界好似你想像咁美好，就唔會有間兒童醫院啦，你了解下兒童醫院既服務同每日有幾多小朋友捱唔住就會明。
我有買危疾、醫療、儲蓄、門診。
當年門診用得最多
我仔份儲蓄供3年，依家已經break even。
1個讚