阿女3歲多, 由2歲開始同佢戒片, 到而家都仲每日起碼瀨濕1-2條褲. 佢一急就忍唔到, 已經成日每隔2個鐘左右就叫佢去廁所, 但呢頭去完, 唔夠半個鐘都可以瀨濕. 帶過佢睇兒童泌尿科, 照超聲波睇埋腎同膀胱都一齊正常. 初初戒片好順利, 用咗大半日時間佢已經識得急就自己去, 有次喺街度話急都可以忍到5分鐘, 趕得切去到廁所先痾. 但戒咗片2個月後無啦啦持續退化. 已經唔係佢專心玩緊唔記得去廁所, 好多時係喺街行行吓, 突然嗌好急, 唔夠幾秒鐘已經忍唔到, 但瀨出嚟嘅份量又唔係多, 即係唔係膀胱滿得濟而瀨嗰隻. 到今年9月就開始返學, 真係好怕喺學校都仲成日瀨唔知點算. 每次出街都好大壓力, 雖然可以著片出街, 但如果去商場地方都仲可以只每隔1-2個鐘就帶佢去廁所就無事, 所以盡量都唔想佢依賴著片, 話晒都已經3歲, 我已經冇迫佢著夜片, 想搞掂日頭先. 好灰心 
係咪佢感受到你緊張，令到佢有壓力？
不需太緊張, 大把BB幼稚園都會懶尿, 老師會唔俾佢地著片, 叫你預多條後備褲, 清潔姐姐頭半年預咗密密清潔換褲。
番學可唔可以偷偷地幫小朋友著片。
最緊要唔好比壓力小朋友，唔好鬧，鼓勵下佢，否則會影響佢自信心
我都怕佢有壓力, 所以佢每次瀨親我都好’輕描淡寫’當平時抹枱抹地咁當無事發生, 但佢份人好無自信, 又好玻璃心, 唔知係咪佢自己過唔到自己嗰關, 佢越著急就越忍唔到. 其實佢天生係細胆同無自信嘅小朋友, 而佢家姐嘅性格係完全相反所以我諗唔太關父母事. 我都成日會讚佢等佢多啲自信心, 但好似都係無用…
等佢入幼稚園再努力啦，有老師同咁多同學仔又可能唔同啲
戒夜尿仲麻煩，我小朋友到小一，唔飲水去廁所吸印仔獎佢乜都出齊，半夜唔叫佢起身疴就會瀨，但到小二乜都唔做自動戒左…