我仔今年8歲,他在2歲9個月時評為遲緩一年,他上小一,因疫情有半年冇上課,冇上課期間都只有幾堂網課,到今年上小二,得兩個月面授,直到而家,他完全唔識睇題目,一拆字就睇唔識,我應該要比他留班嗎
要考慮嘅,係點樣對小朋友先係最好
升班,可能會追唔上,但就可以同朋友一齊升(但咁嘅情況可能都冇乜同班朋友?)
留班,起碼仲可以慢慢追
身邊好多人都留過班,大個咗邊個會睇你
1個讚
留班會比其他小朋友恥笑，冇晒自信心
一二年班相對好啲,開學過一兩個月咩都唔記得,叫老師唔好提呢樣嘢
係放小息時喺操場比以前同班同學恥笑
1個讚
明白呀,以前可能連老師都會攞呢啲嘢出嚟講,例如上堂話邊個邊個,你冧過班都唔努力,係咪想再冧呀?
但依家年代不同,老師都明白呢啲說話係傷害多於鼓勵
至於樓主個小朋友,因為經過疫情,可能啲同學仔都唔太熟,未必會出現類似場面
仲有一樣好重要嘅係,小朋友同媽媽嘅心境先係最重要
人生總有不如意時,如果小朋友本身唔自卑,父母亦不以留級為恥,視之為正面挑戰
咁即使有其他人笑,都只係小事,可能會唔開心,但不會留下陰影
其實俾人笑嘅事何其多,成績差,成績好,肥瘦,早發育,什至參加朗誦…樣樣都可以係俾人笑嘅理由,邊避得咁多
抗逆力先係最重要
1個讚
仔仔有同班既好朋友嗎?真係會約出街果隻
冇,就算上網課,有小息時間都唔會傾計
請問咩係拆字?
你個case算唔算SEN?
我諗可以同老師商量下留一年係咪有幫助
定有冇其他方法
你講起唔識睇題目
曾經有個朋友話細佬唔識睇題目(應該唔止呢樣，都係簡化咁講)，轉咗可以照顧到SEN嘅國際學校
我見小一啲閱讀理解都幾深下
Repeat咗係咪就會catch up到會明呢?
咁留級都唔怕仔仔唔開心啦
拆字即係「亡口月貝凡」、「十十世木」
發展遲緩都係 SEN 一種，因為有呢個教育需要去多啲協助，殘疾兒童、資優、小肌肉弱都係 SEN。
一般教育心理學家都唔主張將小朋友轉去國際學校。不過國際學校有一條龍服務，多資源，算係買多一個教育機會。
有經濟能力嘅搵教SEN嘅老師上多啲堂？個人認為留班作用唔大
1個讚