疫情後周圍都好多人，所以我專揀少人景點去。之前介紹過中葵涌公園，
青衣西公園。今次諗，不如整個集中po啦。
東涌比較出名既係東北公園，但我都嫌佢人太多，又遠，所以推介文東路公園，就係諾富特東薈城酒店旁。
裏面既遊樂場設施比較少見，小朋友可以玩好耐。附近有單車徑，沿單車徑行仲可以去到映灣園兩旁既公園。
行過d係東涌發展碼頭，可以坐船去屯門和大澳。船可以加十幾蚊載埋單車，船員會俾個頭位你坐著等船，對著個海，小朋友好興奮。
4個讚
出名和近住宅既沙灘都超多人，所以我揀去麗都灣。沙灘岩岩解封日，我上午去，人都不算太多。
沙灘有沖洗設施和廁所，最難得係好多樹蔭，全場人都可以找到有蔭既落腳點。有個小型沙灘排球場，不過未見人玩過。水質比想像中好，無咩垃圾。仲有個好靚既汀九和青馬橋景，可以見到貨船過橋。
特別留意：
- 附近好少泊車位
- 無小食亭，最近要行樓梯上返馬路，再落斜去旁邊間酒店食。
- 好難截的士，去酒店先有
- 馬路落車後，要落百級樓梯先會見到沙灘
2個讚
以前好難book既T park，疫情期間無左spa，所以稍為易book左。不過就算book唔到導賞團，其實自己去參觀都係可以既，反正到處都貼曬指示和介紹牌。香港真係無咩可以直接參觀既工廠，小朋友都睇得好興奮。
除了參觀工廠，呢度既草地、噴水泉、海景都好靚，靚過眾多婚紗相拍照聖地，同小朋友picnic玩波都好正。又有cafe可以補充食物。
最麻煩係地點遠。不過下白泥咁遠大家都照迫爆，點解唔去下下白泥旁又無咩人既T park呢？而且大把泊車位，又有定期旅遊巴班車，唔會排成個鐘小巴。
1個讚
等多D人去各區不同親子公園，唔好逼爆某公園
3個讚
免費巴士一個鐘一班
好易中暑
去坪洲行下都唔錯架
1個讚
如果是T park出發，可以在冷氣房等到夠鐘先，我上次都係咁。
如果是V city出發，候車區是商場地下有蓋的，亦可以在商場涼冷氣等
疫情前多人影日落及青馬橋亮燈
1個讚
小朋友都可以打保齡，Tikitiki Bowling Bar
小朋友未夠力玩保齡球，但又好想試下，可以黎西貢呢個Tikitiki Bowling Bar，佢地會提供一個保齡球滑梯，等小朋友自己擺波上去。又可以選擇關閉兩旁坑道，小朋友點推波都唔會入坑輸
上年去時疫情正深，然後我仲要選一個返工時間去。唔好話個bar，係成個商場都無咩人，只有職員同兩三個顧客，好安全。不過佢離西貢市中心只是一個站，周末出入會塞車。
之前去，飲品有半價，小食併盤好大份又好味，係一般呢種格調既餐廳既1/3價錢！結果我和老公食多過玩
可以參考一下openrice。
1個讚