有冇人屋企試過被噪音滋擾？有冇咩解決方法？
我屋企自2月樓上搬左新人入來之後，日頭6點開始天花板就經常有咚咚聲。我叫過管理處上去睇下，但佢話人地訓緊教，唔會有聲。我諗唔明d聲係點來…部lift又咁啱有問題，我就轉目標
咁我屋企係近某部lift(一共3部), 部lift又係2月開始會無啦啦轟一聲，係轟到我成屋都聽到，就算係房都會聽到嚇醒。我同左管理處講佢地又係話幫我唔到（話部lift冇得整），我又唔明，零零舍舍得近我個部嘈，仲要管理處一劈頭就話冇得整(唔係應該叫升降機公司check咩)，我亦都同業主講左好多次，錄晒片俾佢聽有幾嘈，佢就叫我忍下唔好咁敏感…(我宜家仲有半年死約…)我已經成個幾月冇好好訓過，就快精神崩潰啦…
究竟仲可以做d咩去解決…宜家每個星期六我都出去酒店訓，真係好傻仔。今朝又係咁醒，真係想求救
3M耳塞
但係火燭同鬧鐘都聽唔到 
2個讚
3m同無印我都試過，隔到d，但係都仲聽到
咁你要用工業用嗰d喇
嘩 但係lift咁大聲會唔會係有問題
有無同你隔離左右傾過計say過hi 可唔可以吹下水睇下佢地聽唔聽到lift既聲
可能你業主唔想理你 睇下隔離左右會唔會有人係業主都有同樣困擾
3個讚
載左耳塞都聽到，情況都幾嚴重下
我棟樓係H型, 所以我隔離得一個單位，同埋佢冇咁近部𨋢,佢係廳就聽到少少聲(真係好細聲)，但係佢話佢喺房就聽唔到喇（ 佢喺三房單位，所以啲房係好入）… 所以管理處都話我癡線… 但老實講, 日頭你話可以扮聽唔到, 但夜晚清晨瞓覺時間都有就好困擾…
1個讚
我本身對聲音都好敏感， 個人都好易醒… 我老公喺隔離都瞓得好好, 搞到成日得自己一個喺度眼光光
今日再搵下有冇d耳塞先！
其實 AirPods 都幾好, 有無試過得唔得?
我都試過有類似，係間房有一晚突然聽到啲聲係外牆傳入房(唔記得係咩聲）唔係好嘈但隔一陣就有隔一陣就有，夜晚太靜啲聲都幾煩下，都半個月，我個時估係關於地下機房（係lift機房)，不過我無理，無耐就無左。
1個讚
Lift係邊個管？消防處？
有冇機會打去消防到問下「懷疑」升降機有危險…
咁搭lift時有冇聽到咩奇怪聲音?
yes 有冇hifi or 藍芽耳機可以播歌？
headset 可以用啲有noise cancelling 嗰啲譬如bose 嗰部
lift 嗰度問咗隔離唔得，咁樓上樓下同座數可唔可以試下？
加油jm 我都係聽覺敏感嘅人，好明白你感受，如果俾人話唔好咁敏感我可能會當場d7klm
你只可以從自己入手, 去睇下有乜方法聽唔到
噪音問題好惡搞, 每個部門都話唔關事, 你又唔會去到提告, 最後都係搬走了事
搭個陣冇問題，啱啱發現部𨋢每次經過28樓就會轟一聲(但係我住10樓)
我再同管理處講,問下佢可唔可以叫升降機公司睇下
多謝你地呀， 我而家都有帶耳塞瞓覺， 老公都借咗個耳機(有noise cancellation)俾我， 同埋夜晚都會播fall asleep個d背景音樂迫自己訓… 可能真係持續咗太耐,有時候都會凝住有聲
最sad係會feel到啲咚咚聲同個d轟一聲ge震動…搞到好緊張
畀人話我太敏感真係好無奈，又唔係我想聽覺靈敏嘅
我已經成日做運動等自己攰啲快啲瞓著( 而家我11點就瞓覺,6點嘈醒)… 但係都仲係咁醒瞓🥲
如果真係咁困擾, 會問會考慮搬? 業主嗰度同佢傾下如果有人肯承接你可唔可以放你走? (你自己post 上網搵下一手例如). 不過香港始終大城市噪音真係好難避免
其實我同我老公諗住11月完咗租約就移民走（ 我哋預計九月就會有visa）, 所以而家我再去搵租盤又有啲麻煩, 如果轉service apartment又唔知啲傢俬擺去邊同埋我長期work from home,住酒店/SA好焗促… 搞到只可以死忍…
如果租約去到11月底真係冇辦法唯有死忍
做好啲隔音，屋企大門、房門痴隔音棉etc
不過可以試下非投訴嘈音方面處理 你話每次經過28樓都會嘈 咁有可能真係有危險
睇下可唔可以係呢方面入手/投訴，直接問lift公司/政府部門？