有無人工人姐姐會發脾氣或話佢做錯事時會反過嚟話返太太或老闆?
同佢交代工作後忘記了，同佢講返會話我地無講過，做錯事唔認，或會賴小朋友等等。
最近試過見佢日頭用電話，但見佢唔耐，可能同家人聯絡，我無點出聲，但佢無啦啦投訴我仔日頭話佢用電話，佢話同家人聯絡下，又唔係講一個鐘，做咩要話佢?
我話其實工作時間係唔可以用電話，但我知道你可能有急事要同家人聯絡，又見你只係短時間所以我無出聲，但長時間就唔可以。
之後佢就大發脾氣話自己只係短時間，唔停口咁話返我同個仔唔啱。
請問大家有咩方法對付佢地啲衰態度呢？
佢係上年紀嘅菲，佢做得出當正自己係我阿媽咁款話我的!
送佢返菲律賓
呢排全世界經濟都差，唔想做就走
我隻印係唔鐘意清潔廁所，我果度係房套，都係起碼三四日先執一次房連廁，叫襯都黑黑地面
不過佢好錫我個囡（3個月大），服侍得連阿媽都比唔上
所以少少事我都算
要互相磨好
你係出糧果個
自然態度好D
佢地好識分
諗死你冇佢吾得
就態度差
衰態度搞唔到。 一係你企硬set rules。 唔聽或發脾氣，態度差的話，唔好要佢好 d。 無理由洗錢請返黎買難受
係呀，我同老公都一樣諗法，點解要出錢請佢返嚟受佢氣，我接受到有時偷下懶，間中睇下電話，有時做漏嘢，但話佢或提點時都應該要有好態度，照顧得小朋友好的話，都唔會捉咁緊有啲嘢都可當睇唔到。
但下下出聲就黑面，多多藉口，話返我:都唔知你點點點呀！
咁樣好難頂，試過話佢煮得太咸，家有小朋友唔想佢地食咁咸，佢話我: don’t know what problem your mouth!
係咪最近D菲律賓工人都係博炒？
我就好彩冇，但朋友有
又係大年紀嘅菲，亂咁教仔仔，仲要笑佢個仔蠢成個女仔咁講幾句就喊
搞到好樂觀嘅小朋友都唔開心
仲唔聽我朋友講要做啲咩，鬧返佢轉頭話佢唔識做家務，我朋友試過激氣到喊
有次上去探朋友，朋友行開左，我見佢做完家務未洗手就諗著整野食畀小朋友，語氣好好咁提佢洗手，佢怒啤我再好大聲咁鬧我又唔係Mum冇資格話佢做野點
最後朋友頂唔順炒鬼左佢
係呀，差唔多呀！
會話我仔點點點，話:I don’t know this boy, what he think, bla bla bla!
我仔剛7歲，動作大，在家坐唔定，有時會整親妹妹，有時突登有時唔覺意，佢一聽到細嘅喊就大鬧佢。
昨晚我臨暗小朋友瞓，出一出房，我仔話聽到佢在床上講嘢，以為佢在床上用電話，佢就開燈俾佢，點知佢喪鬧佢話佢阻佢瞓覺，我解釋佢聽，個仔係關心佢以為佢用電話要用燈(因我仔知道關燈用電話會傷眼)，佢就鬧返我話佢日頭用電話我仔會話佢玩電話，跟住就不停鬧，我即抱個仔去我房瞓，佢跟本唔會尊重人!
請問樓主工人做咗幾耐 & 在香港有幾多年經驗?
好明顯你成家人已經控制唔到佢嘅行為同態度, 不如你開心見誠同佢傾, 係咪屋企出問題 (佢係咪想番鄉下), 定係佢是否工作上有無問題, 大家講出嚟唔好放心內.
如果佢無工作問題, 佢鄉下無乜特別就算番去都無用, 你就同佢講你好唔滿意佢表現, 希望佢改善, 因為小朋友學野好快, 佢學工人果套就會用在家人身上. 而你請佢來係幫你手, 令你可以做更high value嘅野而唔係俾更多問題你. 更加唔係受佢氣 (大前題下係你屋企人都無無故向工人發老脾).
講唔掂數, 搵定replacement啦, 送佢走算, 唔好為個外人令屋企氣芬咁負囉.
1個讚
多謝你呀，佢剛做了1年，在港我係第二顧主，上一個都係唔開心收場，佢當時同我講舊顧主點刻薄佢，對佢好差，我好好等說話。
我當時為佢難過，但宜家，我一切都明白了……
我地對佢好好，佢都咁樣對我地，我地做唔出對人差，一直當佢家人搬對待，直至佢對我地差，我就學正了。
我同老公都覺得係呢種老sea food覺得自己咩都識，好叻，好做到嘢，有唔啱就發脾氣，話返我地。
因在家工作，多了在家見佢做嘢，多了磨擦，早前佢同我大炒，迫到我在佢面前立即找agent傾，我將所有問題都講晒俾agent聽，佢聽完都幫我話佢，話完佢好了一輪，最近又想返轉頭，不過也比最嚴重嘅時候有好轉嘅。
我還在觀察中，不過聽你地講多啲，學多啲，可對我管治佢有幫助。
利申，我無無啦啦對佢發脾氣，多數出磨擦就係我見佢有嘢做錯了或未做好提醒佢，開始我都係用正常語氣的，但佢聽後，反應就睇佢點帶風向，一係接受，一係就話返我。
之前我俾佢帶動情緒好大，感覺有產後抑鬱，有覺得怕同佢溝通，但多聽朋友意見後，學到firm啲同佢地講嘢，情況好啲。
唔係話小朋友唔鬧得
但佢咁唔尊重小朋友又郁啲亂鬧會傷到小朋友自尊心
咁你個仔咩反應？有冇好唔開心？
生完又要照顧小朋友又要煩惱點應付個姐姐真係人都癲
頂住呀！唔好心軟唔好同佢拗，firm啲命令佢做野，佢再咁串嘅直接叫agent同佢講
咁樣最有效
到真係有改善就買返啲零食/少少bonus佢，賞善罰惡
細個小學嗰陣，屋企個賓賓姐姐會趁daddy mammy返工就講電話，講到可以唔理我同仲係幼稚園嘅細妹。有次我話佢日日掛住講電話，佢發脾氣咁督住我額頭嚟鬧
痴線
我工人都勁差， 叫佢準備晚餐or 早餐，次次都搞幾粒鐘，慢慢洗，慢慢整， 又話如果要整晚餐，全日就唔得閒照顧bb, 所以都怕左佢， 我地自己返到屋企先整晚餐。 叫佢唔玩好電話要照顧bb，次次睇返cctv, 我地返晒工， 佢就即刻攞電話黎玩，話佢就黑面。 佢仲試過將我屋企食物（麵包同零食）從露台拋出樓下平台花園俾佢d 賓賓friend, 咁Q 有次我早返到屋企見到, 話佢咁做唔得， 佢又黑臉發脾氣， 仲話我屋企咁多食物都食唔晒。 仲有上2個月， 佢仲偷左我30幾個mask 出街， 佢返到黎我問佢， 佢話佢一日出街要換10幾個mask, 又話佢個friend 係香港冇mask, 仲要發脾氣。 我真係好想抄佢， 但又驚而家請新菲傭過黎會好耐。
有呀，我仔都會嬲會發脾氣，但其實佢心裡又好在意佢，佢會主動請佢食嘢，佢會話佢咁對佢唔開心。
係呀，宜家都係咁同有同agent講，講了後好了點，最近又想回復完狀。
我firm啲命令佢，佢就真係竟然好點 
，點解人要咁樣呢？對佢好就蝦我，對佢firm命令佢就做得好啲，因為我唔慣咁樣對人，所以一直都做唔到。
佢宜家就係睇死我地香港人炒唔到佢，因為無工人來港。
佢做咗衰都仲對你發脾氣，真係衰到不得了，但佢偷嘢行為就可同佢講要報警，或捉到正就真係報警，等警察上嚟行個轉嚇下佢都好。
一定要同agent 講，最好同埋入境處講等佢black list以後嚟唔到香港，同時都要同定agent講或第二間agent都好，要找定新工人，隨時炒佢。
BB仲細, 每個星期都有轉變, 工人係極度需要有系統咁review performance.
一個月一次review, 出糧後同佢坐低傾佢上個月做成點, 有邊D要再留意, 話過佢的要再睇番佢有無改, 做得好要讚, 又或者佢有/佢覺得有更好方法完成可以大家討論一下.
當呢樣變成習慣, 你對佢工作有唔滿意時, 要提出就無咁唐突, 工人亦無hard feeling.
我小朋友8歲前都有keep 住monthly review, 之後工人明我要求就無再個個月做.
1個讚