相反，租樓住先至有安全既感覺。
有咩事可以隨時走。
如果有錢既，買不買樓都不重要
無錢既，都買唔起，唔使諗。
你既講法，係香港變成一國一制之前，或者係岩的。
一國一制後，不了，cash is king.
6個讚
保誠。
呢類保險唔多公司有，通常要同儲蓄一齊買，個供款就貴好多
可能係講梗term life insurance(定期人壽)?
大部份保險公司都有
不過agent無乜錢賺…所以好少人會sell純人壽
1個讚
貪得嚟仲要冇諗過自己住開私樓、其實唔會慣公屋環境。
一開上到樓、豪裝、又話樓下就地鐵地段好過好多私樓。
之後個老公又話驚比人check到（應該係住唔慣）、走左做野附近租劏房、咁就識左第二個。
1個讚
租跟買差好遠呀⋯⋯ 都係要比得起先有得傾
有無人諗過land lease問題… 分分鐘真係唔續俾你 或者 極高價地租 
long 下long 下好頭暈wo
個老公本身有錢,都怕俾朋友同事知無LALA住公屋
我好明，之前都曾經諗過買樓，當時如果夾硬搵好遠細d都叫上到車，跟住樣樣嘢整定買唔到，過幾日就發現有咗bb。好興幸當時無買到，我可以專心湊小朋友，個時公司蝦我都唔會覺得死啦炒我供唔到樓就死。租樓係少安全感，但係好處係有咩事，例如對面起樓呀，撞正痴線鄰居都可以隨時搬走。買樓我覺得如果成家係少少鬆動（最好2個返工）加有咩事兩個都失業都有家庭團隊頂一頂，買就絕對無問題。
如果儲多排就儲到首期就比d時間，個時勢點，個市點，個荷包未ready就係未ready，難聽d講唔夠錢夾硬上，電器會壞，人會唔舒服會睇醫生要洗錢，到時仲頭痕，上到就辛苦幾年就會慢慢鬆動，祝你早日上到樓。
3個讚
當我見過有朋友租樓，幾年內因為業主收返搬幾次，我就諗有能力俾首期買會好過租，起碼唔駛睇業主心情先，都係想穩定者
除非你同業主好熟，知道業主都想有穩定租客，又唔會隨時賣樓之類
唔一定係AIA，咩公司都可以買一份類似嘅。
1個讚
我諗由細到大住靚私樓嘅人真係唔會明住公屋係咩環境(我老公中產家庭大，話好羨慕人住公屋喎)。我已經係住靚靚地嘅公屋大，但都完全唔想翻去，翻去食飯都麻麻地！都有屋企人就住得好開心嘅，人人唔同啦，好睇本身個人對環境有幾敏感。
1個讚
好做唔做，居然去做現代『蛋家人』
其實租樓有租樓好處
遇到怪鄰居可以諗去
爛左野可以叫番業主搞
我上一次租那間屋
業主好人，我地又係好租客
月尾壞左冷氣機
業主不在香港
我地問佢點好
佢叫我地幫佢格價
格完等到整好都可能去到交租日子
我地都已經諗住同業主講那個月租金要等整番好冷氣先交
我地未開口，佢主動話唔洗交租住
搞番掂個冷氣先交
因為搞冷氣嘅錢我地幫手俾
係租金扣番
其實業主係租約上寫明佢收樓時要番嘅野有壞/爛
係咪佢一定要安排到俾租客用
俾唔到租客用，租客係咪有權租金唔交齊呢？
同埋有時換一換屋
又可以改一改運咁
我有個朋友個朋友就話樓運得幾年
用完個運就搬
佢話佢朋友又真係越搬越好喎
不過運氣嘅野
可能都要人夾屋掛
不過租就真係好煩搬果下
我今次好彩細屋搬大屋
所以包晒野就走
我仲要好急咁2星期就搬
我同老公又多雜物啦
封箱封到傻
同埋租屋好就鍾意住大可以搵大
我地搬大間屋都係為小朋友
地方大左
多左地方俾個女爬
爬得多好緊要呀
2個讚
佢幾個業主都突然收樓？
其實係兩件事黎
業主 & 租客分別都有佢地自己的責任
業主提供唔到一個tenantable的環境唔代表租客可以唔交足租
其實在香港放租業主係驚過租客 因為對業主的法律保障的非常低
租客識玩的話 業主可以十分頭痕
1個讚
買樓嗰時有留錢，但裝修做凸，結果都係清袋 
我原生屋企千呎唐樓，我老公300呎公屋。當年買樓結婚，我老公堅持買細樓，佢話大屋唔好住，人咁少好空虛…
宜家我地3個人住700+呎，我終於明白點解唔駛住咁大，我仔房只係長期用嚟擺嘢，但抹塵又抹餐死…
1個讚
眨吓眼就租住咗十幾年，覺得除咗傢俬唔敢亂買之外都冇乜麻煩嘢，不安定感覺係會有少少，會希望業主唔好加咁多租可以再續約唔洗搬住，好彩遇親嘅都係好業主，上一間住咗五年，業主都唔捨得我走
我都試過, 當時一個人住
租金年年加幾百, 去到第3年, 業主直頭話要收番間屋趕我走
因為佢想大幅加租, 仲搵埋AGENT放租添
其實係好冇安全感, 因為唔知邊一日業主會趕人走
好在幾年前我租左而家呢度
一路住左5-6年都冇加租, 亦冇話要趕我走
不過而家我有D儲蓄, 就算真係突然俾人趕走
大不了咪租第二度, 最多貴D啫
所以一句到尾, 有錢就有安全感
3個讚