唔夠資格申請公屋，又唔夠錢買樓，唯有租樓住，有時見到身邊個個都買到樓，就更覺得自己無本事，俾唔到小朋友大d空間，感覺失落而又無奈
咁一係就一個人做兼職去排公屋
一係就緊死慳死抵儲首期
低收入但要租屋日子過得會越黎越差，因為香港係樓最貴最值錢
高收入租屋就唔係呢回事
1個讚
老公事業心重，要佢轉兼職無可能，其實都儲緊首期，但樓價不斷升，居屋又抽唔到
驚冇工開又冇錢交租，尤其係依家疫情仲存在。今個月交完租，驚下個月畀人炒冇錢要迫遷又搵唔到地方住。飯可以唔食但冇瓦遮頭唔得。
依家係你老公一人返工嗎？你唔使返工？
有事業心係好事黎呀
4大長老可以幫到手嗎？
唔使唔好意思喎
有時候真係爭dd就可以上車
係，得佢一個返工，我全職湊2個小朋友，首期真係爭少少，奶奶可能幫到手，但會好麻煩，同埋就算上到，供都好勉強丫，所以最後都決定唔借
岩丫，加上帶住小朋友就更不安
移民啦，英國又好加拿大又好，2, 300萬已經有間house，係香港捱都唔知為乜
9個讚
租屋要有遊牧民族既心態，d野好temporary, 朝行晚拆，係搬屋煩d。
如果心態改變到，其實租都幾好，去try下唔同樓盤，club house, 鍾意住邊就住邊～
2個讚
租同買係2種唔同住屋心態，無得比亦唔需要自卑。
5個讚
可能你無買過樓，其實個個供樓一開始都係好勉強，尤其係一開始上車，供供下就會越黎越鬆動
你點都無得排公屋，租樓d錢寧願自己供樓
奶奶嗰邊靠你老公搞，佢哋兩母子自己可以互煩
借住先，又無話唔還，最多比埋利息佢又點話
想買樓就唔好怕去借錢，你個case仲係爭少少
2個讚
唔係我嚇你，我有個大陸富2代女性朋友由2020年中hea hea下想買多層樓，今個月佢老豆突然勒令佢最好今個月成交，話依家香港樓價好平（佢地住深圳），話暑假後好有機會通關，到時好多大陸人會黎買樓，到時會貴好多
我呢個朋友老豆係生意人，係大陸撈得幾好，佢嘅睇法我buy ga
樓主，我就覺得你先唔好內疚同自責，租好買好按自己能力，如果買完供得吃力一樣有壓力，慢慢嚟
6個讚
爭少少，我會借，買間細啲，地點無咁方便，等升會換大少少
供樓係頭一，兩年辛苦，之後加人工同供得習慣左，唔會覺得供好辛苦。趁依家低息。
帶住小朋友租樓會有居無定所的感覺，怕業主加租或者收返自用，通常兩年一個合約就要搬一次，長遠唔移民的話就會積極睇下樓。
1個讚
絕對可以租多過2年，不過年年加租係真既～
小朋友搬屋無大人咁難適應wo反而～有地方佢地住算係咁啦，年紀細既小朋友覺得新鮮，居無定所係大人既主觀睇法。
人比人，比死人。
盡做啦
2個讚
其實加人工嚟講，而家年頭加3-5%
通漲都冇左
樓主似乎差好多，所以跌先要特別留意