好明白有小朋友真係想安定、我果陣租左3年想買多啲野都要考慮、你知細路仔野幾多、如果諗住都係唔會走、就舊d遠d都上車先啦
係呀
個女仔自住呀嘛
係喎
除非老到震曬果d，否則都唔驚啦
究竟係通關定封關、隔離帖又話封關封網停市…
我之前未買樓都好不安，因為有小朋友，唔想成日搬屋，但我嘅不安係來自於我唔知仲要儲幾耐，要儲幾多先追到樓價上升。之後買左樓，個心係定左，因為每月供款大致定左，終於可以安心買下貴野，同小朋友食下好野。同埋其他人講得岩，供樓真係愈供愈輕鬆，因為通脹人工高左，但供樓錢無多到。
小朋友幾大？會唔會疫情之後，請姐姐二年，你自己一齊出去做野，慳啲上左車先？如果奶奶麻煩，我唔贊成問佢借，一來要還二邊錢，二來將來大把說話聽
3個讚
真係安全感問題，仲要通常係女人先有呢種感覺. 識人單身想上車，人工夠、但首期唔夠，總係想買樓，外國樓、大陸樓、香港樓都諗過買，但同家人左諗右諗都係計唔掂條數，依家都係儲下錢先再算. 個買樓情意結真係好高，香港應該仲有唔少呢啲人
因為早二三十年，買樓真係會發達，而且人工真係追唔切樓價上升，見到身邊無買樓嘅人愈搬愈細，愈搬愈辟，真係會驚。不過呢二年樓價好似升得無咁勁
2個讚
而家樓價已經好高，仲升真係得供完果班同埋k陸有錢人買到
所以供得起，又不怕樓價跌才買
其實咁諗都唔一定係壞事，或者可以成為儲首期既動力。
事實又真係儲到首期之後供樓舊錢同租金差唔多。
多謝各位鼓勵，真係要改變自己既心態先得，其實而家可以親自湊2個小朋友都好感恩，加上老公都好進取，佢都希望可以靠自己，將來會有自己物業，唔理知最後可唔可以成功買樓，儲多d錢都係好既，只不過係有時小朋友訓左，夜闌人靜時就會多野諗，負面情緒就會湧上黎
8個讚
上黎吹下…
希望你下次會分享係一個Planning 
不過正面諗，係有自己嘅安樂窩仲好。
業主同租客唔駛敵對嘅，唔通業主又諗，我唔租比租客，佢地瞓街咩
慢慢來丫 加油
買唔到記住唔好強求，夾硬上到時仲辛苦，租有租嘅自由
1個讚
我覺得業主一定唔會咁諗
我都有1個物業喺外國出租，我又真係覺得租客幫緊我地供樓。就算層樓已經供完，都多謝佢地分擔管理費同地稅。
不過確實業主都要承受好多風險，準時收到租亦唔係必然。
2個讚
努力
最重要你地夫婦同心。
我之前都租左7,8年樓，好彩業主係加拿大，所以無乜大幅度加租。我記得生完之後，有一個唔熟既同事甚至個衰陪月串我屋細（因為實呎都係300呎）。我曾經唔開心，有個朋友鼓勵我話雅室何須大。
後來我買左樓。其實當時已經知我老公就失業，但計過我一個人供到就上左車。因為當時計過，再租新地方，可能年年被迫要搬，我仲不安過得我一個供樓。
不過一買樓我就買多份保險，萬一我返左天堂，就賠返未完按揭錢，可以佢地clear 左層樓按揭，有得住。
因為現行嘅法例都是保障租客多個保障業主
1個讚
係呀！初初供樓頭幾年，
心情嗰種焦慮不安感，
荷包乾硬化程度，緊緊勉強生活，
隔絕消閑娛樂誘惑，
嗰種痛苦，事隔十幾年，仲歷歷在目⋯⋯