以前都係一家三口同床瞓
直到妹妹出世
為免嘈醒哥哥同爸爸
哥哥跟爸爸繼續同床瞓
媽媽跟妹妹去另一間房瞓
但哥哥晚晚大喊要媽媽
唔想跟爸爸入房
而平時亦會呷醋
妹妹換片/飲奶 哥哥都會話要
請問大家有無經驗？
我擔心哥哥會越來越唔開心
覺得媽媽唔要佢
我大仔21個月細女5個月。
首先你一定每日都要抽時間一對一同大仔落街玩（唔帶妹妹）等佢知道你仲好愛佢。
換完片叫佢幫妹妹掉，餵完奶幫妹妹放入廚房。係幫妹妹唔係幫你。同佢講妹妹話唔該哥哥，間唔時質妹妹個頭落佢塊面話妹妹錫佢。要比好多credit妹妹。
細女出世前其實應該要大仔自己一個瞓。而家先做佢會覺得你三個玩埋堆唔要佢。一係照同大仔同床瞓住先，細女同房瞓BB床？
媽媽正常應該醒瞓D，一聽到妹妹有咩E郁即刻抱佢出廳換片餵奶。
我仔有時都會呷醋但好多時都係攬實個妹錫同埋照顧佢。真係睇你點處理。
2個讚
試過兩個BB同房瞓過一晚
但我真係要超級醒瞓
同埋第二朝6-7:00 最易嘈醒大嗰個
勉強係work
但我好攰
大家有冇兩個BB同房經驗？
我個仔有時4,5點醒左我地都會抱佢同我地瞓。朝早6,7點我果時都係照抱個女出去換片食奶，攰都無計，兩個咁近好難唔攰。
我有一年時間係二個同房，大嗰個同我同床，細嗰個bb 床，好彩係大嘅訓得好冧，好少嘈醒，或者醒一醒又即時訓返，細嗰個捱過左初生，唔食夜奶之後就好啲，係好攰呀，但我嗰時係因為無位，所以無辦法
我細嗰個歲半就同大嗰個同房分床二個訓，好睇性格同埋戒左夜奶未，你情況睇下大b 肯唔肯自己訓，細b 跟返大人好啲
可唔可以掉番轉？爸爸同妹妹同房？