新手媽媽求賜教
(奶粉)BB而家1個月多d，體重3.79kg，每次飲完奶，掃風就算ur完都會嘔奶，所以掃風會掃差唔多一個鐘，抱直、分幾次餵同掃風咩都試過，如果唔訓覺想話擺佢係床自己玩，因為佢好鍾意踢腳同埋郁得好勁，所以佢必定會嘔奶
唔熟睡既狀態都會嘔奶所以成日都要睇住/抱住，然後佢有時晏就到夜晚(中午12點至夜晚11點/12點)飲完奶如果訓覺，有陣時都係處於唔熟睡既狀態/唔訓既狀態/擺床就醒既狀態
以上情況有冇咩解決方法架
唔訓既狀態真係橫跨幾餐🥲🥲
另外想問下而家仲需唔需要定時嗌醒餵奶？問過健康院姑娘話唔需要，但係bb有時訓起上黎會5個鐘唔嗌都唔醒，變左好似食少左餐
BB而家每日平均6餐，總奶量大概480-580mL，會唔會太少？想問下大家應該食行先定訓行先
首先，有d bb真係唔訓教/易醒既。再觀察下。
至於飲奶時間，有d提倡feed on demand, 但前提係佢退晒黃先，黃疸都會令bb唔願起身ga
我細B都係大概個半月後，我都有定時餵奶，除左半夜果餐，所以自動戒左夜奶。
至於唔肯瞓就慘d，係咪夜晚唔瞓，日頭狂瞓？
佢好早已經退哂黃架啦
你定時餵奶幾耐餵一次？我4小時一次，每餐飲完(飲15分鐘左右)掃完風都已經差唔多個半鐘⋯⋯
佢訓覺一時時，有陣日頭到夜晚唔訓/淺睡(訓下醒下)，有陣仲會搞到凌晨先訓，基本上夜晚2點幾/3點幾去到第2日12點左右先係真正熟睡(中間有起身飲2餐奶)
好似都係3小時餵一次。如果bb每餐都可以飲多d，夠鐘又唔嘈，我覺得慢慢調教到4小時一次都可以呀。
有冇試過包實佢瞓？
我女當年都遇到嘔奶嘅問題，太多風，我換左八款奶樽都唔得，最後用Dr Brown，個刻睇住佢飲奶嗰個樣好舒服真係前所未有，你試咗呢隻奶樽未
有啊，包實啊
有時一擺落床未包得切已經醒
但訓之前包佢又唔鍾意，會發脾氣
個狀態係其實佢好眼瞓，但格硬撐大隻眼個種
dr brown 真係好用，我二個都用呢隻，唔知體質定點，真係二個都極少嘔奶
Dr. Brown試左啦，試左兩次，但兩次都係有嘔奶⋯⋯同埋因為個嘴岀奶岀得快，佢飲唔切會一路滴奶，所以就冇再用
PS.其實佢嘔奶情況好過岩岩岀世個陣，但始終就係只要唔係熟睡/係床玩，佢都會嘔，變左佢唔訓既時間多數要抱住佢，或者望實佢係床玩，有嘔就抱起佢，飲完兩個鐘以上都會發生。如是者，如果佢唔訓，橫跨幾餐奶都係不斷重複，行開下做其他家務都唔得
係用初生咀？因為我印象中初生咀好難吸
可以試下墊高少少頭仔果位俾佢訓，等佢唔好完全平哂，都可以減少嘔奶。
我女都係食dr brown少左好多風就冇咩嘔奶。
有冇同健康院姑娘講？ 問下醫生？有d bb真係會勁易嘔奶，可能要少食多餐，辛苦媽媽
半夜沒醒，不用叫。
返健康院時有冇同姑娘講返嘔奶情況？因為有啲bb嘔奶未必關風事，可能係因為啲先天生理性嘅原因，例如腸胃未成熟等等，通常大啲會好啲，最好同兒科醫生講講，幫你檢查下係咩可能性。
我嗰時會攝高床褥或者床板，等張床斜斜地（好似喺醫院時嗰啲bb膠床咁斜斜地），或者佢清醒時放喺啲三角枕，床盡量舖返啲隔水床墊咁。
至於瞓覺定飲奶，既然佢都退咗黃，如果嗰轉覺唔影響夜晚大覺，我會由佢瞓，我覺得媽媽可以休息下都好重要。
Me2
最後用pigeon到衣加。
大大下3～4個月就唔會嘔奶，會level up做其他問題
係呀，用第一階段既嘴比佢試，一路飲一路係佢個嘴下面一路流奶
係呢，想問下用Dr. Brown既媽媽們，你地沖奶既步驟係點樣？點樣避免掂到綠色配件？我個時係拎支綠色配件岀黎墊係紙巾上，沖完奶擺返落去，咁樣岩唔岩？
有啊，有同健康院姑娘講，佢地都係話一兩啖奶係正常⋯⋯然後就話餵慢d，一樽奶分幾次餵，呢d全部都做緊
少食多餐之前都有試，但最後都做唔到，係因為飲完奶掃完風都成個幾鐘，bb唔係即刻訓，訓著冇耐又要叫醒下一餐既話佢又訓得勁少佢仲辛苦
我辛苦唔緊要，係覺得bb辛苦
可以試下個樽放平啲，啲奶會再流得慢啲
我沖奶前係吸埋個奶樽蓋，綠色舊野插住奶咀，扭開倒轉放，沖完扭返成舊野，再開奶樽蓋
我仔細個同你b一樣狂嘔奶, 幾乎餐餐嘔, 姑娘嗌一餐分幾次餵, 佢就分幾次嘔
佢又難掃風喎,掃掃掃,終於掃到佢嗝, 佢就連住啖奶嗝埋出黎, 一係嗝完2秒後即嘔奶
就算佢嗝左, 我都抱佢成粒鐘先敢放床, 因為佢太易嘔
結果係試過就算佢訓左2~3hrs, 佢訓醒我一抱起,又即刻嘔…, 個段時間真係無教好訓, 好怕佢訓訓下嘔奶
連抱佢都要小心, 一壓到佢肚仔又嘔
有時嘔到我要一日換幾套衫…
只可以話愈大情況係愈好, 我係要去到加固食糊仔就明顯好轉
加油媽媽