前幾日做定期女性檢查，發現入邊一年之間多咗一個7cm嘅朱古力瘤。可能係過去呢一年精神壓力過大有關
Anyway, 會想再睇多一兩個醫生，睇清楚同埋了解做手術嘅細節。我本身個醫生都係朋友介紹，所謂嘅名醫，睇咗兩年，但佢quote 出嚟個手術費貴得誇張。我保險又包唔多，真係好肉赤。問嗰啲朋友，其他人嘅手術費都只不過係大約一半，但正值復活節長假期，呢幾日咩都做唔到，淨係喺屋企不斷胡思亂想，都幾精神折磨。
咩都冇心機食同做，知道唔可以食凍嘢/雌激素高嘅食物，其實我都一向好少食凍嘢，以前食嘢好清淡，但因為疫情成日困係屋企，食多咗肉類以及雜食。我上網睇又話唔食得豆類同埋蛋，有啲話連海鮮都唔食得。食素又擔心太寒涼，我真係好頭痛，唔知點算好。
過去一年我仲有坐骨神經痛，本身做完針灸治療一輪好返啲，剛剛開始返做瑜伽之類嘅伸展運動，但要做手術嘅話又要停過。
精神疲勞好嚴重🥲
對唔住我喺度放負，但我真係唔知可以點做，先至係對身體好？
有經驗嘅網友，請問可唔可以俾啲意見我？謝謝你們
4個讚
唔洗咁擔心，好多人都有朱古力瘤同肌瘤，如果做到微創其實都係小手術，所以你睇多一兩個醫生，攞吓2nd opinion就啱啦
我割過肌瘤個醫生幾好人同手勢幾好，如果有需要可以pm我
如果係微創的話都好快恢復，好快又可以做yoga，我開刀生仔都兩三個月就做得伸展運動
而家最緊要係放鬆心情，呢幾日假期做吓運動行吓山，心情都會好啲呀
3個讚
食素唔會太寒
食多啲熱性的東西，如薑會幫到好多。
另如果關 hormone 事，食素都要小心，如番茄都可能有激素。
2個讚
雖然你個瘤唔細，會唔會考慮試下中醫？如果縮到5cm以下就可以唔做手術住。
我十幾年做過割除朱古力瘤同子宮肌瘤手術，之後朱古力瘤復發兩次，都係睇中醫令到個瘤消失。
唔好太擔心，如需中醫師資料可pm我。
1個讚
排咗正虎先
係咪雞唔食得，其他可以照食？
我個時都係開始返運動就發現要做手術要停一排好灰，但係其實手術好細，好快就可以做返運動。有時未必關你食咗d咩事，有時荷爾蒙上上落又會有影響，你食開素就繼續食，驚涼嘅咪加薑，反而唔好食補嘅嘢因為會養大粒瘤，食肉食豆個d留意返非基因改造，無激素就好，一陣避開哂但係營養不良你仲煩。
反而個人太擔心影響得仲大，我好明身體唔舒服好難樂觀，不過朱古力瘤真心勁多人有，食幾健康都有機會，d嘢到時交比醫生，你可能未開始戒口已經排到手術
如果你想搵醫生都可以問下我，不過佢成日都爆多人睇。我個傷口細到都唔記得，通常如果做手術我會話有咩想食就食埋佢，手術完要清淡一排。少事少事嚟，我個時咩都唔知都好驚。
1個讚
我都有
仲做埋手術
我戒晒D 雞（ D 人話有激素）
結果又係復發
其實都係同基因有關
你結左婚未？如果係早 D生B最實際
我08年做微創切咗粒8cm朱古力瘤，當年手術連住院4萬中，之後到19年生完小朋友復發，再切咗粒8cm瘤，埋單9萬，有保險claim得一半多D，之後唔夠半年又復發，而家粒瘤5cm，唔做手術，食住藥控制住先。
食物禁忌最基本就唔好食激素食物，戒凍飲同生冷食物。我戒咗十多年都會復發，所以仲好講荷爾蒙分泌嘅問題，真係好難避，定期檢查最重要。
1個讚
我2018年做微創割左, 當時5cm, 手術完幾個月就有左, 2019年生bb, 托賴暫時都無咩問題. 好似樓上有講, 醫生都係話生bb 對病情好大幫助 (暫停一段時間有經期).
個手術我用左11萬, 保險全部claim 足. 你暫時只係7cm, 仲可以做微創, 可以考慮下.
至於做運動, 手術後醫生比左一個月病假休息, 真係要認真抖. 2-3個月之後都可以慢慢做返運動, 唔係好大問題 (因為我係之後就有左, 我孕期做運動到37週)
我個人經驗係除左睇醫生, 自己對個病嘅認識都好重要, 一來朱古力瘤係可以好複雜, 唔係個個婦科都好深認識. 二來自己知道多啲, 唔係人地講咩就信咩. 如果想認識多啲, 呢本書好有用 — Andrew Cook 係有權威嘅朱古力瘤專家
2個讚
請問可以PM 你嗎? 有好朋友有需要睇婦科中醫
可以，請pm。
1個讚
可以pm中醫嘅資料嗎？我想睇睇，thanks
唔好意思收唔到通知，但我pm唔到你。你可以試吓紅棗中醫診所呂醫師。
1個讚