以前就話有媽的孩子像個寶，但現實上父母所付出既愛要小朋友受落先係重點。
9個讚
好明白… 雖然情況無咁嚴重，不過我家人和朋友既關心，令我好辛苦，而我自己當時係唔知自己點解覺得辛苦。
後來我收埋自己，疏遠朋友。直到我結婚，嫁左去另一個國家，無曬家人朋友，突然發現好開心，我先明白自己，原來需要多d空間。
之後我返左香港，難得既自由無左，不過都和家人朋友保持距離，好過之前。
15個讚
我比較現實，係香港無經濟能力就生小朋友 口講幾愛都無意思，都只係滿足自己家庭想有小朋友既慾望…
外國大部分地方，年輕人有份工都仲負擔得起租間正常房仔，香港好難
18個讚
完全同意
點去做父母係要終身學習
如果窮，好現實咁講最多生一個
2個讚
好明白，我都係一個非常需要自己空間既人，好細個巳經想離開屋企，有咁遠走咁遠。亞媽亦愛管束同批評我，如果唔係遇到另一半，我都應該屈死左。
屋細點都有磨擦，d離地友會話有愛有包容喎
窮到劏房就兩條友算，大人大姐見到呢個環境都甘心，細路冇需要陪佢地捱
2個讚
離地友間屋細極有一千呎2個人ga wo
個人空間真係一個issue, 講緊係physical 既空間，亦都講緊心理上既空間。
以前一直以為空間係睇得到既地方，活動範圍之類；但其實心理空間都好緊要。有d人比較開放，咩都唔介意話比人知開心share, 但有d人唔prefer, 會劃條線set privacy 唔好踩過界. 如果做父母既係前者，以為全世界都無私隱而仔女正正係後者就死得。
而且，有人心情起伏後容易修正，好快無野無左件事；但亦有人要一d時間比情緒走返出黎，如果做父母唔識呢樣野唔尊重小朋友既感受，又係好閉。
我覺得呢d距離／空間都好易比人忽略。以前唔知呢d仲以為係自己問題／自己慢熱／自己異於常人甚至唔叻去label 左，但其實每個人都唔一樣，呢d位每個人都需要微調，但好多時無時間／無心情／唔識／無理由係咁樣唔接受而忽略左個人空間既關鍵。
9個讚
我覺得未必關經濟能力事。係一個自以為是一廂情願地提供好多野比對方，而對方係覺得too much, 連透氣地方都無。。。
香港來講，真係no money no talk. 但錢唔夠，仲可以多多少少以愛來彌補既，即例如其中一方quit份工全職湊仔個類，其實最緊要係對正下藥。
5個讚
係，每個世代對父母都有要求，個要求亦訂得越來越高，所以要做好都唔易。
有時會睇小朋友命盤大約知佢條路點行來配合，又或者參考下九型人格知道小朋友係邊類都可以方便管教。
又係既，我朋友曾經聽過有個manager（有個仔應該小學生），佢成日ot到好夜覺得自己無問題，之前有個下屬都係媽媽，頂唔順辭職，佢仲話自己都成日無同個仔相處都係咁啦（意思係覺得自己無問題，人地唔捱得）
我無仔女但聽完好無奈，心諗你覺得自己有冇問題唔係重點，但如果你個仔得幾歲都唔在乎個媽媽係唔係身邊，咁就
…
5個讚
對佢好又話你煩，唔理佢又怨你唔理佢，唔全家就哂你就一定係父母錯，仲忍忍埋埋好多年真係辛苦哂。
條裙短啲亜媽講下又死罪了，又唔見老公咁講你會嬲？挑。
個女肯去買碗水餃俾你食已經要咁感動，真係悲哀。
唔排除真係好多怪獸父母，但怪獸子女一樣好多囉。
都係養狗好。
4個讚
覺得講緊我自己
我媽都會話「對佢好又話你煩，唔理佢又怨你唔理佢」。其實唔會架，真係唔理就得，不過阿媽唔信，結果繼續理我，我繼續煩。
其實唔好期待仔女對自己好就得，打份工咁養大佢地就走人。
我由細到大，父母都對我好好，問我有咩唔滿意，我就係答「對我太好」。我父母自少無父母愛錫，完全唔明我講咩，講左30年都當我講笑。我明文規定唔准對我好，一送禮物俾我就罵爆佢地/拒收/出po唱衰佢地，但都無用，佢地繼續諗各種理由送禮物俾我，大概係想彌補佢地自己既童年。最後，加埋其他野，我同佢地斷左關係，終於唔洗再俾佢地對我好。
我選男人/上司，都係希望選一個會罵我，唔好太就我既人。
我有左小朋友，就同自己講，唔好對佢地咁好，佢地滿左18歲就唔相見。點知佢地同我唔同，好痴我
日日媽媽前媽媽後，又好錫我，成日為我著想… 所以又唔可以用我既思維去諗佢地
我唔係講你，唔好介意，我知道人人個心理狀態都唔同，養狗都一樣有養狼狗咬心口，有時你幾錫隻狗佢都會咬你，因為某啲狗種係要主人強過佢先會舒服。
我只係覺得做人父母子女都好，唔好太計較啲唔重要既問題，咩屋燈光暗講嘢大聲之類。
我有一個朋友今年40幾歲仲喺度怨緊父母當初唔俾佢學游水⋯⋯
有緣今世相遇，千祈唔好留有怨念。
6個讚
你講得好啱，我正正係呢個case !小學一年級既我，巳經識得發誓有咩都唔會同亞媽講
自己講之嘛，到佢同屋企人嘈就一定係對方唔啱唔包容
好多父母一心以為付出、犧牲、愛一定有回報，仔女一定要點、跟返佢哋想像中咁行，先叫乖、唔辜負父母養育之恩。甚至情緒勒索講一d 說話自以為為仔女好、高高在上教精你咁款，先至推仔女愈走愈遠。
同屋住只會更多嘢睇大家唔順眼，唔一齊住起碼唔會有瞓覺俾人嘈醒、煮好飯就即刻埋枱食、排隊沖涼去廁所、地下多唔多頭髮嘅壓力，大家久唔久見下面問下生活點呀仲起碼有話題傾一陣。
6個讚
認同！有啲真係恐怖，啃老族個啲「生得我出要照顧我一世，係你(父母)既責任」
生左你出嚟係獨立個體黎架，唔係寄生蟲喎！
所以子女長大，我唔期望佢哋養我，都唔好指意幾廿歲人仲要我養。
3個讚