因前度家庭問題，佢家人出一些招數要我自動離開，所以我主動提出分手，與前度分手大約1-2個月。期間我已多次決定分手，前度仍不時找我話有事傾，我心諗可能佢想同我商量解決方法，但原來傾的途中，佢只係不斷重提舊事事發原因，但没有任何解決方法，亦不斷指責我做錯。期間大家再嘈大交，我會講一些傷害大家說話，以為可以斷。我斷聯，斷聯後佢又出現我面前要繼續揾我，又做同樣的事，來來回回，重重覆覆。傾的期間，可能晚上，太晚便食飯，但我堅持AA 制，但食飯時佢好開心咁。咩心態?
期後佢聲稱有同佢媽傾下解決方法，試下睇下可否解決，但我聽到的是佢媽第一時間問個女仔同家人覺得自己有無錯。我O 晒咀。因為件事係佢同佢家人自私計算我付出多少而做成，其他知情人士（包括朋友等）都唔認為我有問題有錯。
但係因為工作關係，我經常要與前度見面工作，我真係唔知佢諗咩，仲要一齊工作，可以點算?
除咗工作需要，其餘時間都唔好再見/聯絡
佢悶，又未有新對象，搵你攝時間，同睇下有無得打返場友誼波，friends with benefit.
呢啲咁L煩嘅群腳仔早飛早著啦，唔好覺得當下人地係唔捨得你仲愛你就中返個頭埋去，有排你受
早走早著
做女嘅時候如果識嘅男仔好黐阿媽嘅話我一律唔會考慮
你可以甩身嘅方法就係盡快認識一個新嘅男朋友，如果唔係你好快會心軟 (佢都係測試緊你幾時會心軟)
分手係因為涉及利益 咁我相信你分得手都已經對佢冇咩感覺或者都死心, 咁仲搵嚟做咩? 佢係你同事? 咁同佢講清楚, 叫佢除公事外, 唔好再騷擾你
如果你唔會再同佢一齊就連飯都唔好食啦 咁樣咪即係比個希望佢 佢咪會繼續搵你
既然分咗手，其實仲有乜好傾、仲食乜嘢飯呢？除非你仲期望真係可以解決就復合。
俾我爆佢一鑊，再講埋俾佢媽聽唔該佢管好自己個寶貝仔唔好嚟煩住晒，然後只係工作上見。
分左手就唔好見啦, 其實你仲見佢即係你自己都想挽回, 是不是?
睇字都覺得煩，其實你仲見佢（工作以外）心態又係咩？
裙腳仔唔好出黎拍拖害人啦!
你個ex 咁煩，飯都唔好同佢食啦，食完自己又唔開心
都未談婚輪嫁同你講利益？！？佢成家人都好有問題
除咗公事…其他一切免談…
又一媽寶
似係佢睇穿你未放得低，睇下有冇得打場友誼波
佢以為：冷戰緊啫，cool 得返嘅
淨係咁樣見一次都嫌多，唔需要再見
分咗手就唔好理佢咩心態，反而我好好奇，你仲肯同佢係工作以外見面係咩心態？既然講到咁絕，但又肯見面傾，又不斷比機會人舊事重提！