老爺過身，老公先知自己係老爺同前妻共同領養既養子，依加公屋戶主名要過落後母到，同後母一家關係唔好，後母仔女一直想返香港住，但又唔夠地方，怕佢做左戶主後會用盡方法趕我地一家四口走（開始暗示），我地一直入息都啱啱過左申請公屋入息審查少少，申請唔到公屋。後母一家五年前開始排緊天倫樂，但姑仔又話佢結左婚會被除名，又話怕佢地無入息證明上唔到樓
依加間公屋3人單位有齊哂全部人名（8人），有無可以分享下點同主任傾到分戶或加快佢地一家上樓？
我仲坐緊月被佢地家事好困擾
幫推
你間屋而家幾多人住，你老公本來有名，正路唔會咁易踢得走？
1個讚
領養都有法律地位、有冇正式文件？
可唔可以搵議員幫手
搵議員幫手，要搵返獻世派嗰班先得，仲要你後母出手先比較好，因為係佢申請，要叫得郁你後母先得…再唔係就搞場大龍鳳上曬報，睇你做唔做得出 
找議員和上報係最後一步，關係搞差左，佢地會更加狠心，無其他方法先用。而家霸著個名就得。
搵份人工低d既工咪合乎申請資格
8個人住3-4人單位, 我地都有覺得有名無咁易踢走，但啲fd 諗過佢真係玩野，都可以做到
已經沒有分戶、搵議員都冇用因為呢啲case 成日都有及房署不接納的。8 人住3 人單位、建議申請擠迫戶搬大一點。一係找份低少少人工的再排公屋。至察員緊要公屋有你地名、佢冇權趕你地走的
1個讚
Sorry唔係好明，8人有名點解會住3人屋？
原本係老爺＋我老公住，再加後母叔仔姑仔，之後加我同仔女
睇嚟都好難分戶，加上你地都入息超左，個個咁分戶，邊有咁多屋分出嚟
1個讚
只可調遷大單位
分戶好似無左幾年了
3人住8人，一早已可用擠迫戶搬大d，東涌有6-9人單位，宜家無左分戶好耐，除非你係一等公民就有機會 
。
擠迫戶今年已完左，要明年先有 
後母如果係老爺正式配偶，戶主名過落後母度係正常，同你先生係咪養子係無關。如果未正式轉名，而後母又同意，申請吓睇吓可否過比你先生。
因為後母一家排緊天倫樂的話，後母做咗舊屋戶主係唔可以拆出嚟排新number，只有啲成員(戶主以外)可以另排新隊。後母一家排左5年，個number 已經好前，要知道後母係咪新number 的申請人。如果而家後母做左戶主，無得繼續排嗰個新number，佢走唔到，你地焗住繼續一齊。
而家有些人口中講的分戶，用樓主例子做比喻，即係一家8口入面，抽一個核心家庭出嚟排過新number。
分戶快唔快，會睇呢個新排嘅家庭會唔會有啲原因令佢上樓加快。
如果好似樓主一家4口係超入息，你地係唔會拎到新number。寄望後母嗰家排到!
3個讚
最後長氣啲講，體恤安置同主任講到口水乾都無用，主任會睇嘅係政府醫生信、家庭綜合服務中心轉介比社署跟進嘅個案。
以聽到資料，如果你老公有名，就算後母係戶主都唔可以話踢佢就踢
除名要有當時人+戶主簽文件
如果係家事，啲人搵完區議員，最後都係要社署社工跟進過有需要先再寫信比房署要點安排。區議員寫啲嘢唔係房署主任就咁就收左有用。