我bb e+ 4個月，我月頭開始返工，姐姐一個睇住bb，因為呢4個月我都講好多我既要求，我講過唔好氹bb訓，唔好抱住訓，同埋bb食唔哂啲奶由得佢唔好逼佢食…我喺屋企睇佢湊左2星期，佢都做到我要求，所以我都好信得佢過，一開始返工都冇乜點睇cam…同埋姐姐都日日send d bb 既相/片俾我睇…直到上星期Daddy放假喺屋企，佢話我知姐姐係咁質bb食埋淨低既，咁我就話佢，佢就話佢冇質呀，bb肯食嫁，我就話bb喺度爭扎喎，唔好再逼佢食喇，佢就say sorry啦…之後佢都冇再send相俾我同埋我都信佢唔過，我返工開住cam 睇或者一得閒就打開睇，我發現我每次睇cam 佢都抱住bb訓覺/氹緊佢訓覺，但我差唔多1個鐘睇1次，bb已經4個月，應該唔駛每個鐘頭都要訓一次覺啦⋯次次見到又抱bb訓覺，自己玩電話我就好炆，其實佢冇野做佢坐bb隔離玩電話我冇所謂，我都同過佢講佢冇野做可以玩電話我冇所謂，但點解係都要氹bb訓覺或者抱住佢訓覺呢⋯我又好想話佢，但又好驚佢報復
我同屋企人講又話佢湊得bb肥肥白白就由佢啦，唔知佢地係咪當bb係豬，養肥就好，但我覺得生得bb出黎就要教好佢，抱住訓覺真係一個好差既習慣囉佢地都唔諗下個bb教衰左會係我地自己受返
2個讚
我要求好以後簡單，BB安全，冇病，其他我冇乜要求。敎BB，陪玩，我放工放假會做。如果平時咁高要求，好快會爆血管。
4個讚
真係一個唔好既習慣。。我覺得真係要照直同姐姐講，就講埋原因比佢聽，等佢好接受D。再同佢講如果BB醒左，可以點做，比佢自己玩等等。。
再自己留意cam多D，話比佢聽通常要放BB係乜位置/房，因為你平時得閒會想望下BB，再叫佢隨時要聽到電話響，因為你會平時可能會whatsapp佢等等，等佢知你會望住，咁就應該冇咁大膽去傷害bb，同埋佢會知道真係要跟你個套做。
利申，我都係同樓上jm一樣，唔會要求姐姐陪玩或者教佢啲乜。不過我會要求訓覺食野等等既習慣要跟我嗰套
咁你係想姐姐放低bb 係床，等佢自己訓，喊都唔駛抱？
如果係咁，姐姐應該好ok 嫁，其實抱住仲辛苦，佢係咪唔明你要求？
1個讚
我個人就覺得好難。
自己父母老公湊都未必岩心水，何況姐姐，試下調整下合理期待，或者自己湊啦。
1個讚
我反而錯左重點覺得抱住bb用電話唔好，電話輻射好勁。雖然話輻射基本上無處不在，但最好唔好咁近個源頭。
訓左咪自由囉
我係你會set timetable 。幾點bb要食野，幾點訓教！
教佢訓教時搖兩搖訓左即刻放低，喊唔緊要，再抱起過再放低！
要抱住訓好難搞、壞習慣！
1個讚
係呀！我想bb自己訓覺⋯明明我返工之前bb都肯食奶嘴自己訓，我同佢講bb唔肯自己訓咪喊醒左你同佢傾下計玩下，唔好氹佢訓喇，佢攰就自然食奶嘴訓嫁喇！試過我同bb訓醒晏覺，都訓左成2個幾鐘，訓醒我去沖涼，叫佢同bb換片同玩下，我出到黎佢又氹左bb訓，佢話因為換片bb喊，所以佢又氹岩岩訓醒既bb再訓返
曾經我試過同佢講，bb其實唔駛行黎行去去氹佢訓教或者安撫，你睇下你e+咪都係坐喺度搖2下bb，佢都肯收聲唔喊，呢個習慣係養成嫁咋，佢唔扭抱你又冇咁攰，又可以做下自己野，佢答我：
🦱唔會攰呀！I love bb ma!
你以前夜晚湊bb你都係抱住佢黎訓？你自己都冇得訓都唔攰？
🦱唔會呀！I love bb ma!
得喇！你縱到佢要抱住佢訓，我冇得訓教我會好攰！你明唔明！
🦱I love bb唔會覺得攰
唔知佢係覺得我唔love bb定係佢真係Love bb到全日都要攬實佢
我都想自己湊
香港地2公婆得一份糧真係唔夠用，租屋都冇左一半，仲要儲錢移民，2份糧先岩岩夠用
我估你姐姐堅唔明，佢不斷重覆同一句，不如你直接落order?
佢海外新黎？
我個姐姐初初都好鍾意抱住我細仔瞓，坐喺梳化抱住 bb 又瞓佢又瞓，我見到嚇餐死 
咁我叫佢 bb 瞓著咗就放低唔好抱住搖住瞓，如果養成呢個壞習慣，夜晚我搞唔掂會叫醒佢幫手氹
我一向夜晚都係自己湊，佢聽我咁講多幾次就唔敢再抱 bb 瞓，驚我真係夜晚摷醒佢幫手 
佢唔係…佢本身係我阿姨工人，湊我表弟，e+表弟大左佢唔需要工人就轉讓俾我…我表弟俾佢湊到超曳，自己唔食飯又唔叫人又打人又成日無啦啦尖叫，所以我捉佢湊bb方法捉得好緊…佢係勝在唔做衰野同埋錫bb嫁咋
佢都叫我叫醒佢湊，但之前佢會帶bb入佢房一齊訓，我唔鍾意咁，同埋想bb夜奶可以埋身食
佢應該會仲壞小朋友？