最近身邊出現好多特別或危急情況，希望拋磚引玉，收集和分享處理方案。
留意同一情況，對不同年幾的對象，處理情況不同。提供方案時，請盡量寫明，令大家更易獲益。
先拋兩個情景先
1，初小女學生獨特個放學時遇上變態佬
唔好向少人地方行
如果近學校，急步回校
好危急，可請途人幫助解困
2，中暑
https://www.ams.gov.hk/chi/firstaid.htm
在炎熱潮濕或熱不透風的環境下工作及運動，身體散熱的機能會受障礙，令身體不能通過排汗等方式散熱，因而導致體熱內蘊，體溫急升，最終腦細胞受損。
臨床表徵
處理方法
3, 唔記得有鎖匙
4, 扔垃圾個門，啪埋左
我細個試過，唯有去阿姨度坐一陣。等吖媽返。
自從那次，我會提自己帶 
同攝穩度門
日頭出街先掉垃圾
唔好夜晚掉
如果有電話，打比朋友/家人 - 大聲講話！
如果懷疑佢跟住你就即刻返去撘lift (因為lift有cctv,有咩事會影到）或者兜路(唔好比佢知道你住邊)
要行啲有光既地方，必要時見到路人可以利用佢哋（跟住佢哋行既方向一齊行，等自己唔會同怪人alone)
最容易唔記得帶鎖匙，係落街一陣
我由細會教個女，如果單獨行啲僻靜地方時，唔好行，用跑/大聲急步行。
總之大動靜啲就啱。
*以前細個屋村都有啲風化案或者打劫，啲街坊教有咩事，就要大叫火燭，等多啲人走出嚟睇下咩事。
*去啲多人地方，如果有管理員或者入啲店舖求助
*如果對方埋嚟糾纏，有時啲人以為係情侶耍花槍或小朋友同家人扭計，要大聲喝對方話：喂，我唔識你架，你唔好摸我,etc
*平時上網搵下啲教學片／或者新聞同小朋友講定，傾下有咩對應方法，袋定幾個方身喺心
*以前老師有教我地，一個人搭lift，就拎定抽鎖匙喺手，然後手指同手指中間夾住一條鎖匙，就變咗一個流星槌咁（唔知大家明唔明），用嚟防身
我覺得女孩子要學點應付變態佬
而男孩子就要識少少傷口處理同昆蟲咬處理
有人跟緊當然係一直留係大街, 仲要諗d唔會經過橫街停車場公園等靜嘅地方, 等人接.
仲走去搭"車立"? 出左"車立" 無cctv, 好危險, 要check cctv嗰陣已經遲喇, 要留係安全嘅地方, 等人幫
其實呢個想像緊出𨋢後有人跟住返家門既情況！所以我覺得應該走返去𨋢/唔好出𨋢！
應該紮碼分開少少腳企立即按G樓, 關門制, 睇一眼個警鐘位, 雙手緊握電話按定三條999 ready定, 但千祈唔好比佢睇到, 仲要調到最細聲, 有乜事馬上按接通掣
同意，入返Lift落地下最安全。
另外我一向有買定個一拉就響既防狼器俾佢。
我想講下燒傷，我上網睇過話如果燒傷後可以用冰毛巾不停敷燒/燙傷位置1個鐘，毛巾一暖就換，因為底層皮膚其實仲係高溫中，所以咁做係有效減低傷害。
我試過有次俾煎pan辣住6,7秒左右(因為裝住滾水唔鬆得手)
我醒起就用左呢個方法，係超級麻煩同考耐性，但好神奇事後只係少少紅，我覺得係work。
我有時諗，如果所有燒傷病人都用下呢個方法可能唔洗咁痛苦。
PS: 細個住院幾個月，隔離床有個妹妹全身都有燒傷，每一日一班醫生就會除晒佢啲衫去檢查，每一次佢都喊得好淒涼，一定係好痛
燒/燙傷冰敷其實唔係最好嘅方法
太低溫反而有機會凍傷
可以用水喉水沖五至十分鐘
（不過細傷口我通常浸就算)
有水泡(二級燒傷)最好就睇醫生
千祈唔好整穿啲水泡
大燒傷包紮最好用保鮮紙 冇嘅話都一定要用水淋濕晒啲三角巾或者布
中暑同埋熱衰竭好常見 好似而且都可以好危險 但係處理上有小小分別
中暑係冇汗出 啲熱係身體入面出唔到
皮膚會紅同熱
熱衰竭係太多汗 流失太多水同電解質
皮膚會濕同凍
兩樣都應該即刻叫佢坐低係陰涼地方
解開皮帶 頸喉紐 呢啲緊身物件
可以除面衫 潑涼 或者用濕毛巾抹身散熱
熱衰竭建議比水/電解質飲品
但係中暑係 唔建議 比嘢食嘢飲
(應該係怕暈左會唔小心落錯氣管
)
係喎，呢個都好
好重要，係濕毛巾唔係冰毛巾
咁先至散到熱
遇到有人暈倒
趕得切就扶住唔好俾佢撞傷頭頸
如果見到嘅時候已經喺地就唔好隨便郁佢
但要留意身邊環境安全
