我個仔7個月大，餐餐飲180ml都飲唔晒，奶奶又成日話佢矮
好驚佢唔夠營養
出世係咪輕磅bb?
係咪厭奶？7個月大已經加固，唔洗太擔心嘅
7個月大咁快知佢矮？
育都未發！
6個月時返健康院姑娘有無講啲乜先？
2個讚
6磅鬆dd
似有少少厭啊
姑娘話一切都跟足晒個生長線走，仲話條線好靚
夠磅應該唔洗太擔心。
姐係營養佢吸收到。
爸爸好高？
身高體重，我覺得遺傳基因的影響比較大
我仔仔都係7個月大，都係180ml飲唔晒。其實身體健康就可以呀。
佢由4個半月開始出牙就厭奶。以前飲到210ml，最惡劣果陣係飲20ml就大喊唔肯再飲，勉強先飲到90ml. 但狂喊。所以依家我地就由佢，其實無得迫。
雖然依家叫無厭奶，間唔中都會飲130-140ml就唔想飲，佢一覺得夠就會反抗，lur幾啖奶出黎。
加固都係唔肯開金口
情願飲奶
不過我地都係覺得順其自然啦～
咁就放心
咁好好呀！唔好理佢點講。d奶奶係中意搵野黎講，最好個個bb都米芝連咁款
我女都係咁 
迫佢仲會自己反胃嘔番d奶出黎
（一齊）睇開d
醫生都話佢肚餓自自然會食
3個讚
七個月大食緊固體仲俾咁多奶佢飲？佢固體食得好唔好啊？
我bb反而好鍾意飲奶，以前飲開240，依家為咗佢食多啲固體減到160一餐，佢真係好肚餓先再補dd。飲少咗流質我就補返水比佢飲。
媽媽要習慣佢用食飯黎填飽個肚（同吸收營養）而唔係飲奶。
1個讚
啱呀，其實身體健康佢又唔係跌出生長線，媽媽真係唔使咁擔心。我曾經都係因為怕佢飲唔夠奶脫水而擔驚受怕嘅阿媽
點知原來係我之前比得太多佢飲飲到濟左，俾佢休息一兩日飲少幾百ml之後就正常返啦！
我BB啱啱開始食固體，都係食少左奶啊
六個月但係佢自己知道飽唔飽，如果飽嘅佢會推開個奶樽，咁我哋就會停，試過逼佢食多少少奶，不過佢會吐返出嚟，所以而家都係順其自然
奶奶驚完佢矮就會驚佢唔靚仔
唔通到時整容啦喎？
其實BB會知自己餓唔餓
最緊要有入有出（小便次數夠，唔會太黃、有便便痾得暢順）
食嘢佢哋有時係會好唔專心，玩大過天，只要唔係餓到扁都可以接受
唔好理奶奶…
BB食幾多佢會選擇
健健康康就得