小朋友最近好鍾意成日講屎講屁，教左好多次臭臭唔好講，poopoo好多菌好污糟, 但小朋友覺得好得意，佢每次講，我都特登唔答佢，希望佢知道講呢啲冇人中意。但6299會好開心應佢，佢就覺得好好玩
今日佢起其他幼稚園同學家長面前又講，個家長唔中意，即刻拉走自己個仔，唔俾佢地一齊玩。搞到好似我地好冇家教咁
你地會唔會禁止小朋友講屎尿屁
問題出於此。
當佢講屎尿屁，講返畀仔仔知，邊個媽媽唔中意你咁講，所以拉埋邊個一齊走，
要畀佢知有d說話人哋聽到會唔開心。
呢個年齡，愈講愈開心
2個讚
必經階段，越唔比講越講
1個讚
俗稱「肚門期」好正常
1個讚
咁應該順其自然由佢
定禁止佢講好？
事後同佢傾返，同佢講有啲說話唔係人人中意，亂講野會令到人唔想同你玩，佢又開始有啲後悔
唔止呢個年齡!
有次同班城中富二代飲嘢，成班係咁講!
1個讚
我同小朋友講大部份人都唔鍾意，會覺得好粗俗!
不過如果你都係鍾意講，我幫你留低你d poo poo,你對住佢講。好唔好?
1個讚
講嘅意思係講有關笑話定乜都加個屎字落去？
佢都知道唔太好，不過小朋友興奮起嚟可能又唔記得，事後又後悔。
禁唔得幾多，只好每次佢講，就提佢。
我小朋友五歲半到六歲半果陣又係狂講
我一直用盡量用平常口吻去回應佢
佢一講、我就解釋係呀、你食完啲野消化咗咪係臭臭囉、不過好污糟好多細菌…
唔想反應愈大、佢就愈過癮繼續講
佢好鍾意同啲同齡小朋友講、可能佢一講、人地比到反應佢、佢會好過癮…呢啲我就睇情況、有啲朋友會覺得冇乜野、會覺得小朋友講夠就停口、咁我就由得佢、有啲唔太熟、或知佢會介紹、我見小朋友開口講、就會的開佢。
但有時可能同朋友一齊食飯、佢又會開口講
佢一開聲、我就的佢出去、同佢講、食飯嘅場合講呢啲野好冇禮貌、因為好核突、大家會食唔落飯。試過佢控制唔到亂咁講、最後餐飯都未食完我就同佢走先返屋企。
大約持續左大半年、佢就冇乜點再講…
同佢一齊講，仲要勁過佢
1個讚
不如襯機教育下，好過佢講無意義既屎屎屎
https://www.books.com.tw/products/0010813159?loc=P_br_r0vq68ygz_D_2aabd0_B_1
其實呢個年齡，講係好正常，禁唔到。
個家長有問題多d，咁小事就拉走個仔。
1個讚
幾得意呀, 小朋友係咁ga la
必經階段，仲要係讀二年級不斷講，好彩講左一年 grow out of it。
又唔係因為有反應而講，而係覺得屎尿屁好好笑。唔好問點解好好笑，冇得解。
咁如果鬧人食屎呢…
我好似都會鬧人食屎…
小朋友6歲, 佢間唔中會用屎尿屁講笑, 我同我老公會同佢一齊傾一齊講, 講講吓笑, 又會講返俾佢聽D正確資訊,例如, 試過同佢講羊咩屎同水屎, 然後講多數肚痛先會出現,
之後講要食多D生果, 菜先會有正常屎 
如果佢喺街講, 都會有D尷尬, 會叫佢喺我哋耳邊講, 唔會嚇親人
1個讚
我估每個小朋友都經過呢啲階段，好平常。
我係育兒方面比較自由，如果不是大是大非，我通常會由佢自己去探索，去撞板。
1個讚
我個女3歲，成日講放屁，佢覺得好攪笑，有時仲做埋動作拍拍屁股，唱歌又加插放屁歌詞入去，但我又冇所謂，因為再大啲可能會有另外一啲更有趣話題吸引佢。同埋我哋屋企人一放屁就會認，大家都會話臭臭，然後大笑一輪，始終放屁係正常身體反應，我哋輕鬆面對