小朋友下年要讀K1，想大家比啲意見。保良局易桂芳幼稚園o唔ok啊？
https://www.facebook.com/371355159916917/posts/1350286668690423/
講起報讀學校相信好多家長都將會/已經歷過，大家都會上網做定功課，睇吓每間學校有咩獨特嘅教學理念，今次陪朋友嚟屯門區嘅保良局易桂芳幼稚園，Hailiah去完話要介紹俾就黎要返學嘅表弟仔。
我哋黎到保良局易桂芳幼稚園門口已有林林總總嘅盆栽，還有小小種植區同易桂芳園圃，入面有種植薑、白蘿蔔、蕃茄、蘆薈、蔥等等‥‥‥Hailiah感到非常好奇，而我就諗到底呢間學校係點呢？
【環境舒適】
一入到門口係一個好大嘅露天playground，環境頗大，學生可在playground玩，吸收天然陽光。旁邊有數間課室，而最特別嘅係學校採用魚菜共生嘅生態循環系統，以及活化學校環境，校園周圍種了不少植物，係一個環保校園，當中仲有唔同嘅小動物有養魚、倉鼠、龜、蚯蚓等‥‥‥我覺得環境好舒適，學校以環保概念為主，仲贏過唔少環保獎項。我認為小朋友平時比較少機會接觸到種植、養飼小動物嘅機會，但係校園可培養學生對生態環境探索嘅興趣，讓小朋友身體力行去做一個有責任嘅園丁，透過種植讓學生更能感受保育意識。
【老師有愛心】
之前上網都睇過易桂芳幼稚園老師相當有愛心，深受家長嘅評價，老師俾我嘅感覺都係好有禮貌同耐性，印象唔錯，另外令家長最放心嘅係學校自聘校車司機同保姆。
【正向教育】
學校推行家校有愛及正向教育，令小朋友在家庭和學校都學習到快樂、關懷、分享、友愛，校內更有不少正向加油站。
【科學】
Hailiah去玩科學探究園地，透過電腦、投射器及sensor播放遊戲，郁動身體去玩遊戲既可以放電又可以從遊戲中學到科學知識，仲有教材配合，Hailiah玩得好開心!
【總結】
總結我覺得呢間學校主要係活動式教學，內容都好豐富，感覺到小朋友能夠喺入面返學一定好開心，而且佢哋仲係小班教學，可以了解小朋友嘅長處同埋不足的地方，係一間唔錯嘅幼稚園，而我揀學校都係著重小朋友嘅快樂為依歸。
不過佢只有上、下午班，由K1開始收生，所以考慮全日制的媽媽要留意了。
我都想知多啲呢間，留名先
朋友小朋友係果度讀。冇乜特別話好定唔好。
我叻既同學都係自己出去外補咁。（我相信間間學卷或私都係靠家長或外補）
近自己好緊要吧。佢就真係住得好近。
我都想了解多啲，幫樓主push吓
我小朋友之前係個度讀，讀得好開心。可能因為多活動，每日功課唔算多，岩岩好，佢自己都跟到，我都唔洗教得太辛苦。仲有老師都好細心，成日接放學都會同我講下佢既表現又讚下佢，小朋友中意老師多過媽咪哈哈
我小朋友讀呢間呀, 我揀佢既原因純粹係因為我住得近~
我小朋友係K2插班, 佢讀得好開心! 而我都覺得老師全部都好好, 好細心! 雖然斷斷續續停課, 但見到小朋友都讀得好開心, 功課唔多亦唔算深, 我覺得岩岩好!